Page 70 - KPA_Neat

Homber kier a purba di huy for di accidente, pero a dal
contra mata di kwihi

Sunday, 02 July 2017 10:13
1

Comparti

Diadomingo mainta, den careda di 9'or, riba e caminda di Cashero a sosode un accidente frontal basta fuerte,
caminda cu un Toyota Yaris lo a hala completamente na su man robez y bay dal frontal contra un Toyota Tercel cu
dos hende homber sinta aden.

Remarcabel ta cu, apesar di e daño, e chauffeur den e Yaris a opta pa reverse y asina mes logra huy for di e sitio.
Muchu leu e no a logra bay. Den su escape el a baha caminda y bay dal contra un mata di kwihi. E chauffeur aki
posiblemente lo tabata bou di influencia. Tres ambulance a bin na e dos sitionan pa asina atende cu e heridonan, un
mas cu e otro. Den e Tercel un cabayero di edad mas madura, a dal su cabes na e windshield. Polis a cera e caminda y
basha santo ariba pa tur e azeta cu a lek.