Page 96 - KPA_Neat

Rescate di Polis pa dos Puppy den mondi a haci famia y un
mucha hopi feliz na Montana

Sunday, 02 July 2017 20:01
1

Comparti

Diadomingo den dia dos Polis cu a brinda asistencia na un yamada a haci un famia hopi feliz.

E famia aki ta stima bestia y pesey nan a yama Polis ora cu nan a scucha yoramento di dos Puppy den
Mondi. E famia ta gradici e dos agentenan Perez y Ortega cu e rescate cu a laga un criatura Genesis
Figaroa hopi contento. Ademas di esey e famia a adopta mesora e dos puppynan cu e Polisnan a rescata.
E famia a muda e weekend aki pa e cas den e area di Sabana Blanco cu Montana. For di den e cas nan
tabata scucha e puppynan ta yora. E yoramento tabata bin for di e mondi patras di e cas. Nan a haya
asina duele pero no tabata confia pa bay den e mondi. Pesey mes a haci e cos corecto. A yama e Polisnan
pa bin. Polisnan ta yuda hopi hende den diferente situacion of yamadanan cu nan haya. Ora Polisnan a
yega na e adres nan a drenta e mondi. Eynan a bin topa cu dos Puppy den e solo cayente. Nan no por a
move bay ningun caminda y tabata sin awa y sin cuminda den e solo cayente. E agentenan a logra coy
ambos Puppy. Un hende lo a bentanan eynan. Si e famia aki no a drenta e cas e weekend aki, sigur e dos
puppynan lo a muri. E Polisnan Perez y Ortega a entrega ambos Puppy na e famia y e hoben menor
Genesis Figaroa a ricibi y brasa ambos cacho chikito mesora. Nan a gradici e Polisnan personalmente y
mesora a probecha pa saca un potret cu ambos como e rescatadornan di dos cacho cu awor a wordo
adopta pa un famia. Danki Polis Ortega y Perez.