Page 46 - MIN ARENDS

A30 LOCAL
Diahuebs 15 Juni 2017
A base di respet y igualdad nos lo por fortifica lasonan den Reino

ORANJESTAD - Na comienso di e dia cu IPKO
a inicia, presidente di Parlamento, Drs. Mervin
Wyatt-Ras, despues di e discurso di e Presidente di
Eerste Kamer, a duna tambe un discurso. El a trece
padilanti cu desde ultimo reunion tabatin eleccion
na Corsou, Hulanda y e delegacionnan a cambia.
Na Aruba lo tin eleccion na september binidero.

E delegacion di Aruba ta di opinion cu IPKO ta un in-
strumento importante pa fortifica nos lasonan den Re-
ino den cualkier constelacion cu nos por ta y cu cada
partner ta pasa dor di cambio.

Den reunion MEP ta bisa cu Aruba tin problemanan cu
mester wordo atendi.

Sra. Wever-Croes ta splica cu meta di e reunionnan aki ta pa mantene un linea di co-
municacion habri pa asina trece e preocupacionnan di comunidad di Aruba padilanti.

Sra. Wever-Croes ta bisa lo siguiente :
“Dialuna ultimo mi a reuni cu sr. Richard van Zwol, secretario general di ministerio
di Binnenlandse Zaken. Meta di e reunion ta pa ricibi informacion di gobierno Hu-
landes tocante palabracionnan existente cu gobierno di Aruba, specialmente pa loke ta
trata e tema financiero y e fiansa na interes reduci.

Sra, Wever Croes ta cita cu e ultimo rapport di CAFT ta un desafio pa motibo credibi-
lidad di Aruba aki na Hulanda ta practicamente nulo. Durante di e reunion mi a trece
e punto di bista di partido MEP un biaha mas padilanti. MEP ta kere den un relacion
den Reino a base di madurez y respet mutuo.

Partido MEP ta di opinion cu Aruba mes mester atende su propio problemanan y bin
cu solucion nos mes. Nos no mester bay bati na porta di Hulanda pa cualkier cos. Ta
p’esey nos a lucha pa nos autonomia y nos a haya nos Status Aparte.

Sra. Wever-Croea ta bisa cu nos mester keda mantene un plataforma den cual a base
di respet y igualdad por topa otro y na un forma obhetivo por discuti tocante diferencia
di opinion y bin cu solucionnan.