Page 2 - AM230208

2 LOCAL AWEMainta Diaranson, 8 Februari 2023

Varios inval pa caso

Kwihi di Gabinete Wever Croes I

ainta a habri cu e informacion cu funcionarionan di
M Landsrecherche tabata activo atrobe mainta tem-
pran. Esaki tabatin di haber cu un dossier cu a haya e
nomber Kwihi.

E informe oficial cu a ricibi algun rato despues for di
Ministerio Publico ta bisa cu tabatin diferente huiszoeking
a tuma luga bou guia di Hues Comisario. Esaki, nan ta bisa,
ta relaciona cu investigacion di algun contracto di servicio

cera door di Chris Romero den su funcion como Minister
e tempo ey (Gabinete Wever Croes I. E invalnan a tuma
luga na cuatro adres y ta bisa cu e investigacion ta den
man di Landsrecherche. Na e cuatro adresnan a tuma den

beslag entre otro laptop, celular y administracion. Te aki e
declaracion oficial for di OM.

Segun por a compronde, e invalnan a tuma luga simulta-

neamente. Tin tres team a bay pariba y uno na Alto Vista.
Esnan pariba tabata na cas di ex-minister Chris Romero,
ex-minister Edison Briesen y cas di un ex-coordinado di
Romero.

Tambe a bishita un oficina di e ex-coordinado na Dakota,
pero sin e presencia di Hues Comisario. Mester bisa a surgi
hopi speculacion na momento cu Polisnan y Landsrecherche
a yega e oficina na Dakota cu ta uno comparti.

Lamentablemente tin medio mesora, sin haci investig-
acion necesario a menciona e nomber di e matutino aki
sin averigua de que se trata, P’esey tambe corectamente

vocero di Ministerio Publico den un chat cu miembronan di
prensa a manda un mensahe den cual ta clarifica e situa-
cion cu e siguiente mensahe. “Bontardi coleganan. Djis pa
asegura boso cu aunke berdad LR tabata den e localidad

unda AWEMainta ta situa awe, e investigacion no ta dirigi
riba e corant y e corant no tin nada di haber cu ningun
investigacion.” Spera cu por a aclaria di e forma aki tambe
tur speculacion cu tin di haber cu e situacion aki.

Pues AWEMainta su team nobo ni e team bieu no tin nada
di haber. Simplemente e espacio ta uno comparti. Mester
bisa cu tin diferente caso bou investigacion, dossiernan

cu tin nomber y otronan cu no tin nomber. Tin caso IBiS,
Avestruz y Diamanta cu ta e uniconan, cu a yega Corte te
awo. Pero banda di esaki tin casonan manera Kwihi, Caso
Arubahuis, Vacuna Gate, y diferente otro mas, liga na polit-

iconan di Gabinete Wever Croes cu mester yega caminda
di corte ainda.