Page 2 - AAA 28 DEC,2015

DIALUNA 28 DECEMBER 2015 DIARIO PAGINA 49

Awe Iglesia
Catolico ta
conmemora
e Dia di e
Santonan
Inocente

ORANJESTAD (AAN)—
Awe, dia 28 di December, Ig-
lesia Catolico ta celebra e “Dia
di e Santonan Inocente”.
E conmemoracion aki ta basa
riba e Santo Evangelio segun
San Mateo, den cual e ta relata
con Rey Herodes e Grandi,
a manda asesina tur mucha
menor di dos aña naci na Bel-
en, pa asina sigura su mes cu e
Mesias, anuncia como e futuro
Rey di Israel wordo mata.
Iglesia Catolico a pone e fecha
oficial riba dia 28 di December,
aunke den e Evangelio di San
Mateo e ta ubica e masacre di
muchanan poco dia despues
di 6 di Januari, cu e Tres Rey
Mago a bishita Niño Jesus den
su Stal.
Dia di joke na America Latina
y Spaña:
Dia 28 di December ta un dia
di haci joke na e gran mayoria
di paisnan di America Latina
(Centro y Sudamerica) y por
cierto, bromanan masha pisa
mes ta wordo haci riba e dia
aki, cu tur hende mester paga
bon tino y tin presente e fe-
cha pa evita cay den jokes
fuerte cu por spanta hende cu
despues ta bin tende “paso por
inocente…”
Tambe den e medionan di co-
municacion ta bin cu notician-
an straño, cu no ta berdad, pero
cu asina mes hopi hende ta lu-
bida cu ta 28 di December anto
kere. Corantnan cu titularnan
impactante cu ta bende bon, ta
circula mientras cu e informa-
cion ta tergiversa of inventa.
Den algun pais tin Santo Sacri-
ficio di Misa dedica na e much-
anan inocente cu ta victima di
inhusticia of cu a muri victima
di inhusticia.
Pues tin diferente tradicion
riba e dia aki segun cada pais.
Tambe e personanan yama In-
ocencio of Inocencia, ta cel-
ebra nan dia riba e fecha aki.