Page 2 - AM221202

Local AWEMainta Diabierna, 2 December 2022

Heineken ta anuncia

aumento di su producto

cu 10.7% pa 2023

Na Aruba 1% adicional di BBO

yera na Hulanda, e “brouwerij” cu ta produci cerbes Heineken, a informa e sec-
A tor di horeca cu entrante prome di Januari di 2023, su producto lo aumenta cu
10.7% cual ta wordo agrega na e aumento di 5.8% cu a wordo introduci na luna di
augustus ultimo. Segun vocero di e compania, esaki ta debi cu “nos ta bibando den

temponan abnormal,” pero e participacion of miho bisa e decision di Heineken aki, a
sorprende e sector di horeca cu ya caba ta wordo confronta cu e presion di aumento
di gasto di energia, aumento di huur, problema pa escasez di trahado y debenan di
corona cu ainda no a wordo paga totalmente.

Entre otro tin doño di un restaurant cu a mustra cu e sector di horeca ta bibando
den un circulo vicioso na e momentonan aki, for di cual ta mustra dificil pa ser
por lo pronto.

KHN, cu ta organisacion Koninkrijk Horeca Nederland ta trahando riba un
reaccion oficial pa loke ta e participacion di Heineken pero ya indicando cu
sin duda nan ta “not amused.” Sinembargo den e proceso aki tin cu realisa cu
Heineken tambe ta wordo confronta cu aumento di gasto di energia y aumento

barbaro di materia prima y no tin otro solucion na man, cu no ta di hinca e
gastonan adicional aki, den e prijs di nan producto.

Na mes momento vocero di Heineken a mustra cu parti di e aumento di

gastonan, e compania ta absorba un parti di esaki mustrando asina cu e
compania kier atende e situacion aki den e forma mas responsabel posibel,
mustrando cu e aumento ta uno drastico pero na mes momento aumento di
gastonan di operacion, a bira gigantesco.

A ser mustra cu rond mundo tin gastonan di produccion a conoce aumento
di 20% of mas y cu esaki ta algo cu ta dificil pa esaki wordo neglisha of no
wordo incalculas.

ARUBA

Aki na Aruba e representante di Heineken no a haci un participacion oficial
ainda pero aki tambe lo bay tin mesun situacion caminda cosnan tin cu cambia
ainda mas drastico.

Fuera cu Heineken na Hulanda a anuncia un aumento di 10.7% entrante
prome di Januari 2023, mester corda cu mesun fecha aki, aumento di BBO te
na 7% tambe ta bira un realidad y ta mas cu claro cu esaki tambe lo tin su
efecto riba prijs di e producto.

Sinembargo aki tambe tin e otro cara falso di comercio rond mundo, ya
cu mientras cu aumento gasto di energia dor di e crisis petrolero, ta for di
algun tempo caba, e situacion riba mercado mundial di petroleo a cuminsa

normalisa su mes formalmente pero esaki no ta ser transmiti den reduccion di
prijs di combustibel.

2