Page 28 - MIN TTC

http://www.24ora.com/local-mainmenu-5/90625-gol-dominicana-tin-hopi-interes-den-aruba-como-un-
hub-den-caribe

Gol Dominicana tin hopi interes den Aruba como un hub den
Caribe

W ednesday, 14 January 2015 18:46
Comparti

Diaranson mainta Minister di Turismo, Transporte, Sector Primario y Cultura Otmar Oduber a reuni cu
alto ehecutivonan di Gol Dominicana
cu a demostra hopi interes pa haci Aruba un hub di nan compania. Minister Oduber a splica cu e
encuentro aki ta uno hopi positivo, mirando e hecho cu pa 2 aña a bisa cu lo kier bay crea na aeropuerto
di Aruba e facilidad pa un hub. Insel Air a tuma e idea aki y awor ta mira mas y mas aerolineanan ta
usando Aruba pa por yega otro destinacionnan. Durante conversacion cu alto ehecutivonan di Gol, a
demostra interes hopi grandi pa conversa cu Gobierno di Aruba riba e posibilidad pa crea un hub total di
nan aerolinea y di nan negoshi na Aruba. Esaki lo bay crea sigur oportunidadnan hopi grandi pa Aruba, e
mandatario a bisa. Minister Oduber a splica cu e conversacionan ta den fase inicial na e momentonan aki
, pero ta contento cu a haya e atencion di Gol, mas aun mirando cu nan interes tabata den e otro islanan
tambe, pero ta sinti den e conversacion cu nan ta mira e potencial den Aruba uno mas fuerte. Ya caba nan
tabatin un conbersacion cu AAA pa a informanan di nan intencionnan, cual e screening a tuma lugar y
por nota un interes hopi grandi pa Aruba , cu beneficionan hopi grandi . A acorda durante reunion cu lo
tuma 2 siman di tempo awor aki , caminda cada un partido lo bay prepara documentonan, lo prepara , un
planificacion di kico Aruba por significa pa Gol y mescos kico Gol lo significa pa Aruba, Minister Oduber
a splica. E mandatario a bisa cu ta papiando di un hub cu lo mester sirbi henter centro America, Sur
America y Norte America y naturalmente mirando cu Gol ta un partner di KLM/Air France cu ta trece cu
ne pa e posibilidadnan pa Europa tambe cu ta mercadonan hopi importante pa Aruba. Tambe Gol
Dominicana ta partner di Delta Airlines na e momentonan aki pa Merca. Esaki ta trece hopi
posibilidadnan pa aerolineanan local tambe. Pues Insel Air tambe ta liga cu KLM y Gol Dominicana ta
den e mes un famia y a mustra cu un Aruba Airlines y un Tiara lo por fit perfectamente tambe den henter
e operacionnan cu tin. Den e cuadro aki a papia cu dentro di e dos siman lo preprara un documento y a
acorda cu a base di e documento aki lo por tuma un decision si e interesnan di ambos partido ta grandi y
lo bay over e ora pa un ‘letter of intent’ , una bes cu esaki wordo discuti dentro di Gobierno, e mandatario
a bisa.