Page 66 - MIN TTC

CEO Insel Air Aruba sorprendi cu e
yegada caluroso pa buelo Manaus

Posted on 01/14/2015 8:31 pm AST | Updated on 01/15/2015 12:07 am AST

ORANJESTAD – E buelo di Aruba pa Manaus su hendenan, ta un conectividad pa
Caribe. “Pa Aruba sigur y resto di Caribe”. Asina CEO di Insel Air Aruba Frederick
Nuboer a describi e buelo inaugural aki. Normalmente un hende di Manaus mester bula
bek Sao Paolo of Rio, pa sigui e parti Nort manera p.e. Merca of Aruba. Pero cu e buelo
aki, awor nan por bay Caribe, y disfruta di Aruba y haci compras. “Pa nan sigur esaki ta
un bentaha hopi grandi”.

PERSONALMENTE

Personalmente pa Nuboer, e buelo inaugural di Insel Air pa Manaus, Brazil, tabata
tremendo. De hecho esaki tabata su buelo mas largo, cu e avionnan tipo Fokker 70 (total
di 3 ora y 15 minuut di buelo;), y a considere uno hopi ‘smooth’. Mientras e tempo si
tabata malo, esaki no a stroba e capitan Sebelon y su tripulacion di avion di mantene e
buelo trankil y hasta haci un aterisahe sin masha problema.

CEREMONIA

Compara cu otro buelonan inaugural, esaki tabata uno sigur memorable segun Nuboer.
For di momento cu bomberonan a ricibi e avion cu su saludo di honor (canon di awa), te
na e ricibimento pa un grupo di samba asambeho, e tabata un recepcion tur afo.
Gobernador di Manaus tambe tabata presente, y a mustra su aprobacion pa cu e buelo y e
potencial cu esaki ta trece pa Aruba. Despues a sigui e parti di ceremonia unda cu aki
tambe tabatin su distincion aparte compara cu otro ceremonianan. “Esaki tabata algo cu
nunca mi no a yega di maak mee. Asina bunita e tabata” Nuboer a bisa finalmente.

http://noticiacla.com/news/2078