Page 42 - MIN VOS
P. 42
40 AWEMainta Diamars, 22 Augustus 2017
Despues di a ricibi oportunidad pa bay congreso na Azerbaijan DAVYCK Franken ta den e grupo di
Davyck Franken contento di a scouting Casibari Jan Lobbrecht y a haya e
representa Scouting Aruba den exterior oportunidad pa representa Aruba na Azer-
baijan. Scouting Aruba a pidi pa 2 hoben
lider activo den scouting pa representa
Aruba den e World Scouth Youth forum
Azerbaijan 2017.
Mitchell Croes y Davyck Franken ta studia
na Hulanda y nan a ricibi e oportunidad pa
participa den e seminario.
Esaki ta prome biaha cu Scouting Aruba a
ricibi e oportunidad pa duna nan voto den
e conferencia mundial aki. E conferencia aki
a tuma luga na e capital di Azerbaijan, esta
Baku. Davyck Franken y Mitchell Croes
a gradici Scouting Aruba p’e oportunidad
grandi aki y p’e experiencia cu nan a pasa
durante e conferencia grandi aki.
Lider di Unidad di Verkenners di Grupo
Scout Casibari Jan Lobbrecht, Brian Daké,
tabata sumamente contento cu e hoben
Davyck Franken a ricibi e oportunidad aki
pa bay representa Scouting Aruba na Azer-
baijan.
Davyck Franken ta un hoben cu ta assistent
di Brian Daké, kende ta recorda cu e hoben
tabata un verkenner, despues a bira un ex-
plorer y a crece bira un lider. Grupo Scout
Casibari Jan Lobbrecht ta hopi contento cu
e hoben a haya e oportunidad di representa
Aruba.
E experiencia aki semper lo keda cu Davyck
Franken y Brian Daké ta kere cu ta bon p’e
hobennan bay exterior, p’asina conoce otro
pensamento y cultura di scouting mundial.
Ta spera cu e hoben por sigui cu e mesun
entusiasmo, pasobra por mira su contribu-
cion positivo den su grupo y Scouting Aruba.
Tambe ta spera cu mas hoben por haya e
chens di representa Scouting den exterior.
Minister Schwengle tabata sumamente or-
guyoso cu Aruba tambe a haya e espacio pa
por a vocifera nan punto di bista. A felicita
Davyck Franken, su famia y tur esunnan cu a
sostene den e logro aki. Minister Schwengle
ta spera cu e hoben por ta un ehempel pa
duna un aporte den e mundo di scouting di
Aruba, pa cu esaki crece un tiki mas.
Aparte di deporte y educacion, scouting ta
duna un persona hopi disciplina. Tambe
scouting ta duna bo e formacion y ta guia
bo pa ta un miho ciudadano den futuro. Ta
spera cu esaki ta un empuhe p’e mundo di
scouting Aruba por sigui crece.
