Page 24 - diario

PAGINA 24 DIARIO
Mirando e huma pazuid aya y no actua di awor, ta laga
nos leu di cas mañan
Fin di siman mi tabata den Ling and Sons y mi a mira un grupo di 8
persona sali cu garoshinan manera wagonnan di trein, tras di otro,
cu un total di 40 caha di cervez.
Unda mi tabata mi no por a laga mi garoshi para meymey di e otro
clientenan pa sali saca potret pafo di kico lo ta pasando y unda e
cahanan ta bay.
Pero tabata nada otro cu e tendencia nobo di venezolanonan, di
cumpra, bende cu bar restaurantnan pa menos di e prijs paga, djis pa
haya e dollarnan Americano.
E cosnan aki ta ponebo pensa. Mi a pensa riba e volcan cu lo por
drenta den erupcion pazuid aya.
Ora tin un candela den cercania di bo cas, bo mester ta masha
vigilante, ta wordo bisa pa decennia di Aña. Un dicho bieu, di hopi
tradicion. Y mas cu tur cos, di hopi berdad!
Nos tin huma saliendo den cercania di nos cas, aunke nos no por bisa
cu tin candela, pero e huma ta mustra cu tin amenaza di cu lo por tin
candela. Anto nos mester puntra nos mes como habitantenan den
cercania di e huma aki, con nos lo reacciona mirando e situacion di nos
bisiñanan di pazuid.
Nos por corda con na fin di siman pasa por a tene cuenta cu e
desaroyo cu por a duna indicacion cu cos lo por sali for di man pazuid. tambe.
Esaki despues cu un ex politico popular, Manuel Rosales, a bolbe
Venezuela despues di un exilio di seis aña. A keda anuncia di
antemano cu e lo wordo deteni na su yegada, locual a pasa tambe,
saliendo for di Aruba unda e tabata di transito.
Esaki ta djis parti di e totalidad di loke ta pasando pazuid ey, cu
definitivamente, pa nos, mester ta un motibo di preocupacion y no
unicamente di preocupacion.
E mester ta un motibo pa nos ta den e expectative di con nos tin cu
reacciona si cosnan bay den direccion diferente. Por ta direccion 1,
direccion 2 of direccion di diferente variante cu bo por duna, riba con e Con nos lo por trata di filtra loke ta bin aki, haya un modus
pais pazuid ey ta bay sali for di e situacion cu e ta den actualmente.
Nos no por nenga cu e situacion cu e pais ta aden ta un situacion di
preta; ta un di apuro; ta un cu no ta duna tranquilidad na ningun di su
ciudadanonan, cu dia aden dia afo ta pasando keto bay den duro
pa por lo menos por atende cu nan mes necesidadnan.
For di tempo cu a bin un gobierno diferente pazuid di nos; ta papiando
aki for di mas di diez aña pasa cu Chavismo ta goberna e pais bisiña
y di hasta prome cune; ta parce cu nos, cu ta asina dependiente di
con cos ta bay pazuid ey lo por pasa den mes un cos tambe.
A yega di menciona hopi aña pasa cu mester di un “Tanki di
pensamento”, un “Think Tank” riba nos isla, cu sea un biaha pa
siman, un biaha cada dos siman, un biaha pa luna, un biaha cada tres
luna ta reuni .
Por lo menos e por ta un grupo di personahe cu tin cierto autoridad,
cierto vision cu ta reuni hunto pa di e forma ey, analiza, discuti,
planifica y wak kico ta e mihor manera pa nos por reacciona mirando
sucesonan cerca nos bisiña.
Garantia bo lo no tin nunca, pero por lo menos evita cu sucesonan cu
lo por tuma lugar aya, tin cu coge nos di sorpresa. Ora e coge nos di
sorpresa e ta haci esaki hopi biaha cu consecuencia cu nos ningun ta
desea.
For di un “Tanki di pensamento” asina lo por sali un manera of otro,
recomendacionnan of alternativanan pa nos cu sa, den algun caso,
con nos ta depende di e pais bisiña, por atende cu realidadnan cu lo
presenta, pa sigura cu por lo menos nos tin un formula pa atende cu
desaroyonan cu por bini.
Tuma nos cuminda por ehemplo! Nos ta depende di Venezuela
pa un parti di nos cuminda, esta, e pisca cu nos ta come tur dia,
practicamente ta bini di pazuid. Nos mes piscadornan ta aporta cu
algo, pero e mayoria ta loke e venezolanonan ta trece.
Aki no ta papia di pisca congela cu ta haya den supermercadonan
DIAMARS 20 OCTOBER 2015
bao di tur sorto di nomber di filet, tilapia etc. cu a pasa simannan
y lunanan riba lama y den freezernan, prome cu nan a yega den
supermercado, ni e frutanan cu ta bin di e mes manera di otro paisnan .
No a menciona aki berdura of fruta, cu pa haya nan fresco,
basicamente ta for di pazuid nos ta haya nan. Nos sa tambe cu
mientras nos ta cumpra, banana, batata dushi, tomati, comcomber,
cu ta bini cu e barconan di pazuid; nos sa cu den nan pais mes tin
scarcedad di tur esaki, inclusive e productonan cu ta wordo ofreci aki.
Ta logico cu nan ta prefera di bende nan aki na un prijs
considerablemente mas halto di loke nan por haya na nan pais. Esaki
fuera di e hecho cu nan por bay bek cu dollar cu awor aki ta den
careda di 700 y pico bolivar pa cada dollar.
Esaki den un pais caminda e sueldo minimo ta algo mas cu 7000
bolivar. Evidentemente nos no por compara costo di bida di pazuid
aya cu esun di nos.
Pero ora bo mira e rijnan largo cu tin keto bay ayanan, pa por
dispone di productonan cu den nos supermercadonan, mini market y
fruterianan, nos ta yega y cumpra, importa cu e barconan di pazuid,
cerca nos bisiñanan nan ta pasa mitar dia of henter un dia den rij pa
logra algo di e productonan ey.
Ora nan yega dilanti mes hopi biaha ta resulta cu e productonan a caba
Nos no por pretende di kier sigui cu e comodidad aki, siendo cu den e
pais mes ta pasando un percance formal. Nos no sa awor aki, ki plan
Aruba tin, pa si den caso e barconan aki stop di bin Aruba, con nos tin
di atende cu nos necesidadnan basico di e cuminda cu nos tin di come
tur dia.
Eynan por ehemplo un “Tanki di pensamento” por ta ocupando su
mes cu un pregunta asina. Un otro pregunta cu nan tambe tin cu kibra
cabez riba dje posiblemente, ta si enberdad nos ta hayando hopi di e
venezolanonan cu ta bin aki y kico nan ta haci aki.
operandi cu nos sa cu esun cu ta yega aki ta bin cu bon intencion
y no cu mal intencion? Ademas, sin nan ta bin cu plan pa keda aki, of
si nan ta bin cu plan pa bay otro caminda y si en realidad nan ta bolbe
nan pais.
Tur ta asuntonan cu nos no por kere cu nos simplemente ta cay
sinta laga tur e desaroyo aki coge nos for di base ora cu ya nos no
tin contesta y naturalmente, consecuentemente, no tin alternative pa
busca tampoco.
Esnan cu ta sigui noticia for di Corsou por a ripara con a detene un
grupo grandi di atracador for di Venezuela y cu e gruponan aki cu
tabata comete atraco a laga sa, cu nan a bin Corsou principalmente pa
comete atraco, haya hopi placa y bolbe nan pais rico. Ta varios aña di
castigo a cay pa nan siman pasa.
Pa hopi tempo den comunidad ta pidi pa gobierno bin cu visa pa
bishitantenan for di Venezuela, pero keto bay ta sconde tras di
palabranan manera “ta nan ta carga nos turismo”. Esnan cu ta
bishitando nos isla ultimo lunanan , no ta esnan cu ta “carga nos
turismo”. Nan ta bin pa saca probecho y bolbe nan pais cu nos
divisanan y no ta importa un bledo di kico pasa riba nos isla. Nan
interes ta na prome lugar logra dollarnan. Entre nan por tin esnan
tambe cu ta bin comete crimen, y por a nota actividadnan negativo
ultimo simannan di e tipo di bishitantenan aki. Manera menciona ariba,
mester cuminza filtra e bishitantenan aki busca un manera pa haci
esaki.
Ta na su lugar pa for di nos instancianan oficial, por lo menos, trata na
yega na un grupo di pensador, un grupo di analisador, cu ta trata di
intercambia informacion y haya detayenan cu por ta relevante pa nos
discusionnan aki, pa nos no haya nos den situacion cu ningun di nos ta
desea.
Nos no por cay sinta kere cu e “show” aki ta un “show” leu for di nos
cama y cu nos lo no keda afecta pe. Ora cu yega asina leu, e ora ey,
nos lo ta mas leu for di cas.
Juby Naar