Page 15 - BNDIA ARUBA

A15
HENDE Diaranson 29 november 2017
Departamento di cultura a presenta e di 4 edicion di ‘Fiesta di Cunucu’

ORANJESTAD – E departamento di Agricultura,
Cria y Pesca (Santa Rosa) a organisa e di 4 edicion
di ‘Fiesta di Cunucu’ conhuntamente cu Stichting
Mondumenten Fonds. E evento a wordo haci den un
ambiente di cunucu y a wordo treci dilanti den un
forma unico, segun un comunicado oficial di Santa
Rosa.

E aña aki a toca turno na e cas antiguo situa na Tanki Leen-
dert 65, caminda cu e diferente Departamentonan a traha
incansabel pa prepara un programa netamente crioyo, e co-
municado ta bisa.

“E proposito di e evento tapa conscientisa nos comunidad
encuanto di e balor di conserva nos arkitectura local sin lu-
bida nos tradicionnan y aporte di nos Sector Primario y cu
un ambiente netamente cultural”.

Santa Rosa tabata encarga pa prepara e sitio y tambe a invita
un grupo di productornan local pa bin expone y bende nan
productonan como tambe diferente standnan cu cuminda
crioyo, pa asina conscientisa y motiva otronan pa nan tambe
considera nan aporte na nos produccion local.

Minister Chris Romero a bishita e evento y tabata tin e
oportunidad pa combersa cu e diferente productornan pre-
sente cu sigur a laga un bon impresion cerca e mandatario,
e comunicado ta bisa.

E stand nan a ofrece diferente productonan herbal, dife-
rente tipo di bina, liqueur, rom, jam, tur produci cu frutan-
an cultiva aki mes na Aruba. Plantage Dabaru tambe tabata
presente cu nan productonan vegetariano sin laga afo esnan
e productor di habonnan traha local y e artesanonan local.

Durante su bishita, el a pasa y combers acu cada un di e pro-
ductornan, kendenan tabata contento cu e atencion duna
door di e Minister encarga cu Sector Primario.

Tambe e Minister a bishita e cas antiguo cu tabata com-
pletamente muebla cu diferente muebles di antes, creando
asina e ambiente netamente di antaño.