Page 32 - BNDIA ARUBA

Diaranson 29 november 2017 locAl
A32

Congreso violencia domestico enfocando riba

muchanan mata tambe

ORANJESTAD - Den cuadro cu Orange Week 2017, e siman di con-
scientisacion riba violencia domestico na Aruba Fundacion pa Hen-
de Muhe den Dificultad, ta continua awe cu nan di dos dia pa locual ta e
prome congreso riba violencia domestico cu a wordo organisa den Reino.

Coordinador di Fundacion pa Hende Muhe den Dificultad Magaly Maduro ta conta Bon Dia
cu dos aña pasa tabata tin un congreso na Hulanda pa shelter nan. Anto den e congreso ey a bin
dilanti e necesidad pa tin un congreso den Caribe cual tabata planea pa e aña aki. Manera nos a
informa anteriormente, pa via di e pasada di horcan na st. Maarten, tabata tin un problema cu e
organisacion eynan cual tabata di bira e anfitrion. E ora ey Aruba a dicidi riba su mes cu lo por
ta anfitrion di e congreso. Tur partner den Reino ta representa den e congreso aki y bini hunto
pa papia tocante e tema di violencia domestico. “Pasobra nos ta mira cu dia pa dia e ta bira mas
grandi den nos comunidad. Como Reino nos ta mira cu mester pone accion na e problema aki
aworaki,” sra. Maduro ta comenta.

E siman aki manera nos tur sa nos ta bibando cu un noticia hopi teribel relaciona cu e dos
muchanan cu a caba di perde nan bida por medio di violencia. Pero e cosnan aki no ta algo
unico mirando cu henter Reino ta pasa den e cosnan aki y p’esey a percura pa bin cu e congreso
aki, segun e organisacion. E importancia di e congreso aki tabata pa comparti e conocemento
cu nan tin y tambe pa por reenforsa trabaonan cu tin hunto. Como tambe pa yuda otro unda
por ehempel tin problema domestico grandi cu peliger di morto cu e islanan por yuda otro pa
vang op famianan den cuestion.

Minister Croes: ‘Tin un crisis social grave na Aruba’
“Di nos banda, como ministerio di Asuntonan Social, den nomber di gobierno di Aruba y den
nomber di prome minister Evelyn Wever Croes, nos a bin disfruta di e tremendo oportunidad
aki riba e prome congreso aki den Reino contra violencia domestico. Cual ta un problema hopi
grandi na Aruba y mi ta kere tur otro caminda,” minister di Asuntonan Social Glenbert Croes
(MEP) ta bisa nos. E mandatario ta subraya cu tin un crisis social grandi na Aruba cu mester
wordo atendi den forma di emergencia nacional. “Nos a yama tur hende hunto y nos ta actu-
ando. Anto mi ta kere cu e congreso aki ta yuda tene nos consenshi cendi pa realmente como
comunidad cuminsa actua. Gobierno mester haci di su banda, tur fundacion, departamento, y
pa nos como pueblo tampoco keda keto den e asuntonan aki. E conformismo ey mester caba.”

Expertonan
Oradornan den e congreso tabata entre otro Linda Terpstra di Fier. E ta presidente di e Raad
van Bestuur Fier, iniciado di VeiligeVeste Leeuwarden y Centrum Tegen Kinderhandel en
Mensenhandel. Sra. Fier ta pues un organisacion di expertonan den proteccion di muchanan,
hobennan y adultonan. Experto local Helen Guda, psicologo, tambe tabata un di oradornan.
For di St. Maarten tambe a bin directora di Safe Haven, Cassandra Richardson como orador
den e congreso aki. Otro expertonan presente tabata Arnoud Boesten, Louise Rafael Croes
(kinderarts), Procurador General di Aruba Alexander van Dam, Bas Tierolf, Nikil van Wijk
for di Corsou, y abogado Nancy Gravenstijn.
Trahando hunto
Fundacion pa Hende Muhe den Dificultad ta bisa cu den Reino nos tin hopi similaridad unda
cu nos problemanan social ta casi tur mescos. Pero na Aruba ta un lider den esaki pasobra nos tin
un ‘shelter, ambulante y tin ayudo residencial. Na Corsou tin e pero por ehempel Bonaire no
tin e ainda y na islanan ariba ta St. Maarten so tin’e. “Loke ta hopi importante pa nos ta e traha-
mento hunto cu nos como Reino tin cu bay haci pa resolve e problema aki,” sra. Maduro ta bisa.

Module pa scolnan
E fundacion ta trahando riba modulenan cu mester drenta scolnan na Aruba otro aña. E gobi-
erno anterior tabata hopi entusiasma cu esaki y e fundacion ta spera cu e ministerio actual di
Enseñansa mira e importancia pa hinca esaki den enseñansa. “E ta completamente cla anto a
wordo financia por medio di Unicef anto nos ta cla pe.”