Page 45 - MIN VOS MAY 5

Dr. Giovanni Frans Fundacion Mariadal Cooperacion pa alcansa “win-win situation” ta e
caminda pa cana
Tuesday, 05 May 2015 14:17
Comparti

Antianan Hulandes a stop di existi riba 10-10-10, Aruba ya a haya su status aparte anteriormente, pero
con cu bay bin e islanan ta parti di Reino Hulandes y ta bon pa yega na cooperacionnan pa yega na
situacionnan win-win den cuido medico. Dr. Giovanni Frans cu esaki a expresa cu e fundacion Mariadal ta
sostene e iniciativa cu ta wordo tuma cu Health Care Conference Aruba (HCCA) completamente.
Dr. Frans a reuni cu Minister di Salud, dr. Alex Schwengle durante di su bishita na Boneiro pa discuti
puntonan di interes pa e programa di e conferencia. E mandatario recientemente a bishita e cinco islanan
ruman pa extende un invitacion personal na su homologonan y na stakeholders den cuido medico y
sistemanan cu ta sostene cuido manera banconan di seguro social. Durante di su recorido el a haci
preguntanan clave pa cu detayenan di topiconan cu mester di mas atencion na e conferencia di acuerdo cu
e diferente gruponan di interes.
Dr. Frans a bisa cu pa sigui mehora calidad di cuido mester organisa cuido den Reino pa crea
situacionnan win-win pa diferente aspecto. Frans e enfatiza cu awor no tin way of return nos islanan ta
mucho chikito pa mantene calidad di cuido cada un para su so y si nos islana hulandes kier yega y
mantene un cierto nivel di cuido bo mester traha hunto, el a subraya.

http://www.24ora.com/local-mainmenu-5/94807-dr-giovanni-frans-fundacion-mariadal-cooperacion-
pa-alcansa-win-win-situation-ta-e-caminda-pa-cana