Page 3 - AVB
P. 3
E proximo ta e gran clasico di capital, diadomingo venidero 8’or di anochi den CDGPT
unda soldadnan tricolor di Solito lo topa Rioplatense di Playa Pabou Riverplate. Un
encuentro cu ya pa casi 30 aña ta un bataya formal. Fanaticada tricolor yega stadion y
ban hunto pa 3 punto.
Tambe directiva ta hasi un invitacion na e famia tricolor pa yega Club diabierna 27 di
April “dia di Rey” for di 9’or mainta unda RCA ta bolbe celebra otro “John Merryweather
Cup” honrando envez mas un miembro di honor cu tur dia ta na Club.
Un total di 85 mucha di RCA entre 4 y 11 aña lo bataya cu otro den e formato 5 contra
5, representando paisnan den mundial 2018, manera Inglatera, Peru, Alemania, Brazil,
Spaña, Colombia, Portugal y Argentina. Lo tin mesa di domino, bar y cushina ta bon
surti y cu cuminda crioyo. Ambiente ta den man di DJ MCK powered by HP. Probecha di
biaha y cumpra bo jersey RCA pa bida.
