Page 70 - MIN ON OCT 2, 2015

Awe e soño di e muchanan di Graf v.

Zinzendorf Kleuterschool a bira realidad

on: Thursday, October 1, 2015In: LocalNo Comments
Print Email

Durante un bishita na Graf von Zinzendorf Kleuterschool den bario di San Nicolas, Minister
Michelle Hooyboer – Winklaar , Cabesante di e scol, Directeur di SPCOA, DOW y e compania
di construccion Freman a topa pa repasa tur e trabaonan cu a tuma luga durante e proceso di
renobacion. Na palabra Edith Geerman cabesante di e scolnan Graf von Zinzendorf na San
Nicolas.
“ E renobacion a tuma hopi cambio sin stroba e klasnan, durante vakantie tambe nan a traha duro
pa nos a haya e scol na tempo,” Edith Geerman cabesante di scol ta splica.
Eric Vrolijk di DOW ta presencia e ehecucion di e plan di maneho di renobacion y di
construccion adicional di diferente proyectonan di cerca. No obstante, un cu ta yega na su
curason sigur ta e kleuterschool di Graf von Zinzendorf. Un scol chikito na San Nicolas cu pesar
di su tamaño a hiba un cambio grandi cu a tuma mas di 80 dia.
“E proyecto a bay un poco mas largo pero bon ehecuta y tur hende ta contento y esey ta
primordial pa nos. Nos a kita full e dak cu tabata di asbest y nos a pone un nobo y drecha e
blafon. De paso a verf e scol completo poniendo enfasis riba colornan bunita y yamativo pa e
muchanan.” Vrolijk ta splica mientras e ta mustra e parti bunita cu e scol tin. Tur partner a recore
hunto cu Minister Michelle Hooyboer – Winklaar y esunnan envolvi y tambe director di SPCOA
pa mira e finalisacion di e proyecto cu en berdad ta un preciosidad ehecuta den tur su gloria.
“Y awe mi kier yama danki na Minister Michelle Hooyboer – Winklaar pero tambe na e
colaboracion tremendo cu a existi durante e trabao grandi aki, entre tur partner” Edith Geerman
ta conclui mientras cu e ta haci entrega di un reconocimento na Minister pa su empeño y vision
pa a cumpli cu e alumnonan cu awe tambe a ricibi bishita y palabranan di apoyo di e mandatario.
“Graf von Zinzendorf ta un scol cu awor ta completo y mi por afirma cu mi ta sumamente
satisfecho.”