Page 1 - AM200309
P. 1
Maart 9, 2020
www.awemainta.com
www.facebook.com/awemainta
noticia@awemainta.com
583-1400
DAMA FAMOSO DI “PATRUYA 37” RIBA
PARANDA A CAUSA ACCIDENTE BURACHI
DIADOMINGO mainta pasa di 11:00am a sosode un accidente den
cercania di rotonde di ex-Drive Inn na Kibaima. Ora cu Polis di Trafico
a yega n’e sitio, a detene e dama Latino, kende t’e chauffeur cu a causa e
accidente. E tabata bebi y riba un trip cu un amiga y un amigo mas.
Polisnan a hib’e Warda di Polis na Shaba pa mas investigacion y
interogacion. Durante investigacion a resulta cu tur esnan den e auto ta
stranhero y no por a prueba cu nan tin un status legal riba nos isla.
Cu e realidad aki riba mesa, Polis a dicidi di detene tur tres y hiba nan
Warda di Polis pa mas investigacion y verificacion.
Warda nos Costa lo sigui e proceso pa confirma nan status riba e isla,
debi cu nan tin aceso n’e data di DIMAS.
Segun fuente, e dama deteni cu a causa e accidente t’e mesun dama cu a
bira famoso den e caso di “Patruya 37” na Noord, ora cu un video di dje
y un amiga papiando cu dos Polis a causa nan suspension te awe ainda.
E biaha aki e ta den noticia cu foto y tur, pero deteni pa causa accidente
burachi.
Despues di interrogacion y cu ningun di 3 por a demostra di tin documento
cu nan ta legal, a dicidi di hiba tur 3 pa Warda nos Costa, unda nan lo
keda deteni pendiente nan deportacion.
