Page 11 - HOSPITAAL

Ora mucha chikito tin verkoud, hopi biaha nan ta haya un presion leve riba nan horea. Esei ta pasobra
e conexion entre e nanishi y e horea meimei (e tubo di Eustakio) ta cera. E tubo aki, mescos cu e
nanishi, ta cubri pa un flishi di slijm (mucosa). Ora cu e flishi di slijm aki hincha pa motibo di

verkoud, e slijm produci eiden no tin caminda pa sali. Esaki ta pone presion riba e horea y e ta
ocasiona dolo. Despues di un par di dia e flishi di slijm (mucosa) ta baha atrobe, anto e slijm acumula
ta haya caminda pa sali. Tin biaha tin bacteria ta acumula den e slijm.

E kehonan no ta pasa e ora ei. Frecuentemente tin un likido vies ta sali via e nanishi. E slijm acumula
den e horea por kibra sali dor di e tambu di horea. E ora ei ta papia di un horea cu a core. Den algun
caso e infeccion ta manifesta su mes apenas ora pus sali for di e horea. E ora ei bo por haya un

mancha geel riba bo cusinchi. Generalmente no ta necesario pa trata infeccion di e hora meimei cu
antibiotico. Mayoria di biaha e ta pasa di mes.

Cuido Propio: Loke bo mes por haci

Tin biaha bo por haya alivio dor di pone bo cabes un tiki mas halto riba cama. Bo por,
particularmente tambe prome cu bo bai drumi, uza gota pa tira den nanishi cu bo por haya na botica
sin receta. Bo por alivia e dolo tumando un remedi contra dolor.

Cerca mucha

Si e mucha tin e tendencia di haya infeccion di e horea meimei, bo por evita esaki den caso di
verkoud, dunand’e gota pa tira den nanishi. Tambe bo por dun’e un remedi contra dolo, por ehempel.
Paracetamol pa mucha. Percura pa anochi e cabes di e mucha keda mas halto cu e resto di su curpa.

Tuma contacto cu bo docter di cas

-Si bo tin dolo di horea, sea cu of sin keintura, cu no ta pasa despues di a tuma un remedi contra dolo.

-Si bo horea cuminsa core, aunke ya e dolo a pasa.

Cerca mucha

-Si e mucha, a pesar di a dun’e remedi, despues di mita dia ainda tin dolo di horea fuerte.

-Si e mucha, despues di tres dia, ainda tin dolor di horea leve.