Page 42 - HOSPITAAL

DVG tin e obligacion pa cuida nos populacion y tambe
bestianan na Aruba

Wednesday, 14 June 2017 20:32
Comparti

Si ta bon aña pasa tabata tin un cantidad di bestia cu a wordo haya riba un boto den forma di contrabando.
Hasta bestianan cu no mag di drenta Aruba sin control, etc. A bisa cu lo duna cuater luna, pero esey a pasa den un temporada y despues lo
wordo saca bek manda na nan luga. Pero esey no a sosode.
Awor aki tin varios luna ta bay y esaki no a sosode.

Jerry Staring, Director di Salubridad Publico ta splica cu nan a haya nan mes cu situacionnan unda bestianan a drenta Aruba estilo di
contrabando.
Pa ta cla, tur bestia cu drenta Aruba tin cu pasa un control, si nan mag drenta si of no. Ta asina cu tabata tin varios cacho, algun parha, lora,
toucan, tabata tin macaco, un ocelot, un jaguarundi y e seis turtuganan.
Ta papiando di dos tipo di bestia. Tin e cachonan y tin e animalnan exotico. Zowiezo ningun bestia, ni cacho no por drenta via Venezuela
den nos pais. Tin un obligacion pa nos cuida nos populacion humano, pero tambe esun di bestia di Aruba, pa cualkier menasa di malesa of
higiena y un di e reglanan ta cu no por trece un cacho via Venezuela na Aruba.

E bestianan cu a drenta Aruba, esta esunnan exitoco, ta riba e lista di Cites, cu ta un tratado internacional cu ta bisa cu no mag muda nan di
un pais pa otro. Por crusa frontera cu nan y nan mester tin documentonan valido si nan ta naci den cautiverio.
Normalmente ta suppose di para e boto y mand’e bek mesora. Ley ta bisa cu tin cu percura cu e bestianan ta bay bek pa e pais for di unda
nan a bin. Den e caso aki, e boto a bin di Aruba, bay Venezuela y bay bek Aruba. No por mand’e bek Venezuela. E cachonan a wordo adopta e
momento ey. A bin varios NGO cu a pidi pa hayapermiso pa tuma e cachonan y scapa nan di un eutanasia, cual ta normal pa proteha bo
populacion di bestia na Aruba. E biaha aki e NGOnan a cumpli cu e reglanan stipula, esta mester tin por lo menos 4 luna di cuarentena,
unda cu por sigura cu no tin despues un rabia, of otro malesa cu ta bay manifesta su mes pasobra tin cu corda, si tin un caso di rabia, lo tin
un desaster hopi grandi mes. Vooral cu e cantidad di cacho cu tin na Aruba, e por bira peligroso. E gastonan di e cachonan a wordo carga pa
e NGOnan. Door cu ley no ta permiti pa e bestianan keda na Aruba, nan a cumpli tambe cu e demanda pa ora e cuarentena caba, nan mester
wordo poni pa adopcion, pero pafo di Aruba.
Di e cachonan cu a sobrevivi, uno a fayece di parvo. E resto a bay Merca pa adopcion.