Page 9 - DIGICEL
P. 9
AWEMainta Diaranson, 10 Februari 2016 15
Un dia historico
Universidad
di Aruba a
lansa nan
‘Student App’
DIAMARS, dia 9 di februari 2016, tabata un dia
historico pa Universidad di Aruba caminda a lansa un
“Student App”. E aplicacion aki por wordo uza dor di
tur studiante di Universidad di Aruba cu ta dispone di
un smartphone sea riba plataforma di android of iOS.
Por medio di e facilidad aki studiante nan tin acceso
na nan resultadonan, informacion personal y tambe
ricibi mensahenan general di Universidad di Aruba.
Den futuro esaki lo bay wordo uza tambe pa inscribi pa
tentamen, mira cambio den rooster y mucho mas.
Universidad di Aruba ta sumamente orguyoso di ta un
di e prome universidadnan hunto cu Erasmus University
y hotelschool The Hague cu ta lansa e aplicacion aki.
Tur esaki ta posibel debi na e colaboracion cu tin entre
Universidad di Aruba y CACI na Hulanda cu ta maneha
e sistema di administracion pa studiante, OSIRIS.
Cu e logro aki Universidad di Aruba ta demostra di ta
pionero di avance di tecnologia den enseñansa.
#1 Online
