Page 18 - AWEMAINTA

18 AWEMainta Diamars, 11 Juli 2017

Richenella Croes–Wever di partido POR:

Mi generacion a perde confiansa

den politica… pero dicon?

E desconfiansa den politica a aumenta durante e ultimo añanan. Tin un desconfiansa cu
ta reina en general, pero ta mas notabel den mi generacion.
Mi ta relaciona esaki n’e idea cu nos no ta pega n’e politica tradicional manera gen-
eracionnan anterior. Desde un edad hopi jong nos a mira corupcion, mentira, y ac-
cionnan ekiboca, promesanan bashi, distancia entre necesidad y problemanan real
di cada ciudadano. Simplemente nos no a mira resultado…

Frecuentemente, nos ta scucha cu nos ta separa di y desiluciona cu e sistema politico.
Den hopi sentido esaki ta berdad, pasobra nos ta biba den un ambiente na unda
facilmente tur cos ta visible, y unda eventonan politico of erornan cometi ta bira
viral instantaneamente.

Segun estudionan, nos generacion lo representa 70% di mercado di trabou mundial
na aña 2025, loke ta significa cu nos tin den nos man e forma pa cambia
con politica ta wordo mira y aplica! Nos lo crea un relacion diferente cu
politica, un relacion hopi mas beneficioso y exigente; pero decisivo y
importante p’e proximo eleccion Parlamentario.

Nos kier un politica nobo cu ta basa su mes na prome lugar riba
tecnologia, pasobra esaki ya no ta un eleccion sino un obliga-
cion pa interactua cu hende; na di dos lugar un politica cu ta
duna nos e espacio pa tuma decision cu tin influencia, un
politica inclusivo y participativo unda decisionnan no
por wordo imponi riba nos; por ultimo un politica di
relacion liber y casual, cu ta forma parti di un din-
amica nobo y humilde basa riba co-participacion.
Di e manera aki democracia ta haya un cara nobo!

Nos ta exigente y vigilante pa cu e balornan di e
politica nobo aki: Exigente pasobra transparencia
y rendimento di cuenta no ta algo negociabel. Y
vigilante pasobra e ehempel personal ta e identidad
autentico.
Di e manera aki, kico nos ta busca den e politica nobo? “Bo ta
loke bo ta haci, y no loke bo ta bisa”.