Page 28 - AWEMAINTA

28 AWEMainta Diamars, 11 Juli 2017

Parlamentario mr. Xiomara Maduro:

Apertura exitoso

di Cede Paradera

“DIASABRA ultimo, e Cede Paradera di MEP
a keda inaugura den un forma festivo cu musica y
tambe cu discurso politico di Lider di MEP, Evelyn y
di mi persona, Parlamentario Xiomara Ruiz-Maduro,
kende ta encarga cu e Cede”, e Parlamentario a de-
clara.

“Eleccion ta mas cu bandera y sticker. Informacion ta
crucial pa por forma nos propio opinion y tuma un
bon decision pa eleccion 2017 dia 22 di september
proximo.
MEP kier cumpli cu e deseo di pueblo pa ta mas cerca
den nan districto cu informacion y asina bou encargo
y responsabilidad di algun candidato di MEP den dife-
rente districto lo tin Cede di MEP. Pa Cede Paradera
mi persona, Xiomara Ruiz-Maduro lo ta encarga”, e
Parlamentario a sigui bisa.

“Den un ambiente masha ameno y masaal, nos a
brinda esnan presente informacion rib’e vision di
MEP pa Aruba y nos a duna motivacion di nos pres-
encia den politica di nos pais.
Un danki di curason ta bay na Team Xiomara p’e
tremendo trabou desplega pa organisa un evento asina
exitoso. Danki tambe na tur sponsor cu a yuda nos.

Y un palabra di profundo gratitud na tur persona cu a
acudi na e Apertura Cede Paradera pa demostra nan
sosten y apoyo na MEP y na mi persona en especial.
Nos ta cla p’e cambio cu bo por confia aden!”, Par-
lamentario Xiomara Ruiz-Maduro ta conclui.