Page 9 - DESPA_Neat

16 AWEMainta Diaranson, 25 November 2015

ATA y Serlimar ta informa

Ultimo Diadomingo di
“Containers den Bario” na Rooi Afo, Paradera

DESPUES di e exitoso diadomingo ultimo na San Nicolas, Aruba Tourism Authority y Serlimar

ta anuncia e ultimo edicion di e proyecto “Containers den Bario”.
Pues diadomingo awor 29 di november, Paradera ta na turno.

E sitio exacto lo t’e parkeerplaats di Centro Deportivo Rooi Afo.
E horario lo ta di 8’or di mainta pa 2’or di atardi. Corda
probecha awor y no warda te ultimo ora pa cuminsa cu e
limpiesa mas grandi di aña!

Milieustraat
Cu e generoso sosten di ATA, dicho proyecto un biaha mas
ta wordo ehecuta dor di Serlimar den e concepto di un
“milieustraat” of “ caya di medio ambiente”.

Lo ta bay tin opzichternan presente na tur momento, spe-
cialmente pa dirigi y asistibo den esaki y nos ta conta cu e
cooperacion di un y tur.

Tips pa preveni Dengue y Chikunguya tambe na
Milieustraat
Gele Koorts en Muskietenbestrijding tambe lo bai ta pre-
sente pa suministra informacion di prevencion di Dengue
y Chikunguya na publico.
Ta temporada di awacero atrobe pues elimina tur cria-
dero, haci limpiesa na cas y den bario y ricibi bo tipnan
valioso directamente di GKMB.

Duna Aruba e miho di bo!
ATA sigur ta un instancia cu ta promove lo miho di nos
isla y esaki definitivamente ta inclui pa duna Aruba e miho
di bo y yuda mantene nos isla limpi! Cu e pensamento
aki den mente, ATA ta sigui sostene Serlimar y e noble
proyecto Milieustraat p‘asina ofrece Aruba un manera
facil, gratis y responsabel pa deshaci di desperdicio di cas
grandi (grofvuil) pa fin di aña.
Dor di duna prome na comunidad y pone containers dis-
ponibel, lo motiva tur habitante pa (man)tene rond di nan
cas limpi y asina contribui pa mantene e bario mes limpi.