Page 43 - MIN ARENDS
P. 43
Donata: Partido AVP ta participa toch
den debate Latino
Posted on 07/25/2017 5:49 pm AST | Updated on 07/25/2017 10:22 pm AST
ORANJESTAD – Partido AVP lo participa ‘after all’ na e debate politico pa Latinonan
otro luna. E organisadornan di e debate a confirma na NoticiaCla cu pa un mal
comunicacion, nan inicialmente a keda afo. Tabata ora cu NoticiaCla a publica e noticia
recientemente cu AVP a keda afo, e partido a haya su mes den un ‘core core’ pa sa unda
cos a bay robes, pasobra nan lo ‘no a haya nada’. A resulta cu enberdad e invitacion a bay
na adres robes, y cu nunca esnan cu mester a ricibi esaki, a haye. Reconociendo nan eror,
e organisadornan a dicidi e ora pa laga e partido y su lider Mike Eman ta participa toch. E
evento mientrastanto ta completamente ‘sold out’ segun e organisadornan a bisa,
indicando cu tin un interes grandi pa e debate aki.
