Page 57 - KPA MRCH 8

Yiu ta reacciona y duna su banda di medaya relaciona cu
persecusion entre famia

Monday, 07 March 2016 20:20
Comparti

Mi nomber ta Indira Deyanira Rosemary Varis. Diabierna manece diasabra mi a haya mi den un
problema cu mi ruman homber pa banda di mi tata. Mi tabata para pabou di e cruzada di Seguros
Aponte. E cuzada cu a wordo sera. Mi tabata bahando for di auto na momento cu mi ruman a tira auto
riba mi pa matami.

Si mi no a bula e lo a dal mi y el a reverse bay. Mi fout tabata di no a para ey y yama Nagico como mi
seguro. Mi a start mi auto bay su tras y dal su bumper patras net dilanti OK Market. Ey nan a yega como
tres auto di polis incluyendo un dogcatcher. Nan no a ni puntrami kiko a pasa y djies benta mi den
dogcatcher y bai cumi supuestamente hospital pa wak si mi ta intoxica. Berdad ami a usa rivotril pa relax
mi spiernan y e dia en cuestion mi a use dos biaha. Mi a puntra polis Nixon y Jerral si mi ta deteni. Nan a
hari mi y sera porta den mi cara. Di eynan nan a haya ordo di Nathalie Schwengle Kingsale pa hiba mi
PAAZ sin a haci ningun test di sanger ni orina cumi. Na PAAZ mi a wordo kita full sunu y hinca den un
camber scur y friew sin sikiera onderbroek. Na momento mi a wordo laga sali bai den zaal diadumingo
mi a cuminsa busca pa sa mi derechonan. Esaki a hasi cu dialuna mainta Nathalie Schwengle Kingsale a
bin menaza mi cu e lo sera mi pa 5 siman den PAAZ pasobra e tin e poder pa hacie.

http://www.24ora.com/policial-mainmenu-8/106104-yiu-ta-reacciona-y-duna-su-banda-di-medaya-
relaciona-cu-persecusion-entre-famia