Page 40 - MIN SOC 20JAN,2016

26 AWEMainta Diaranson, 20 Januari 2016

Minister Paul COMO titular di Asuntonan Social, y Hubentud en particular, Prome
Croes a entrega
certificado final Minister Mike Eman a pidi Minister Paul Croes pa represent’e den e
na 9 hoben di graduacion mas reciente di Formacion Social SVT.
Formacion Social
N’e oportunidad aki, e nuebe miembronan participante den Grupo 7
a completa e trayecto di entrenamento fisico, disciplina, capacitacion
laboral y stage. Awo e hoben ciudadanonan aki ta cla pa duna un buelta
na nan rumbo den bida y pone esaki den un direccion positivo, danki n’e
oportunidad cu nan a haya cu Formacion Social.

E ceremonia di entrega a tuma luga dilanti di mayornan y instructornan
orguyoso den sala di edificio Gouden Bal na base di Marinierskazerne na
Savaneta.Minister Croes a ofrece disculpa den nomber di Premier Eman
pa su ausencia na e ceremonia a rais di su luto pa fayecimento di Sr. Piet
Pronk. E ultimo aki a haya su debido reconocemento tambe durante e
ceremonia, ya cu a forma un parti integral p’e ley y programa di SVT
-Formacion Social a bira un realidad.
“E mensahe principal cu awe nos tin pa e hobennan ta cu nos ta kere den
nan. E por ta algo simpel pa bisa, pero na momento cu bo ta kere di berdad
den hubentud, bo lo mira resultado positivo sali for di nos hobennan”,
asina Minister Paul Croes a indica.

Hobennan cu a gradua a inicia e trayecto di 12 luna na januari 2015 y
ademas di un perspectiva nobo den bida, tambe mayoria ta gradua cu e
siguridad di un trabou for di e luga caminda nan a realisa nan pasantia.
Miho graduado, Carlos Maduro a keda reconoci durante e ceremonia
resaltando asina e dedicacion y compromiso cu el a hinca den su
participacion.

Minister Croes a expresa cu Formacion Social ta reitera su derecho di
existencia cu cada grupo cu ta gradua y p’esey tambe ta conta cu e sosten
total di su Ministerio como parti di e Maneho Integral di Hubentud.