Page 15 - RDA 10 MARCH, 2017

PDVSA contento cu firmamento di acuerdo cu Gobierno di
Aruba

Thursday, 09 March 2017 23:29
Comparti

Nelson Martinez Minister di Energia a duna su comentario na final di un reunion cu e tabata tin cu
Minister Mike de Meza y Minister Paul Croes na Caracas. E reunion cu tabata tin ta un siguimento na e
acuerdonan firma entre Aruba y Venezuela cu a cuminsa como base di e trabao cu ta haciendo na
refineria di Aruba.

E acuerdonan a wordo firma ya mas di un anja y durante di tur e periodonan aki a bin ta trahando riba e
composicion di e ekipo cu ta permiti haci e remodelacion di e refineria di Aruba transformando esaki den
un mehorador. E lo por comberti den un piesa esencial pa e mehoramento di crudo extra pisa di
Venezuela. E proyecto ta proba, tin e financiamento. A presenta esaki na e ministernan de Meza y Croes.
A haci un exposicion riba e avansenan obteni den e proyecto. Esaki ta implica for di loke ta wordo haci na
nivel di e refineria, na incorporacion di personal, anto Arubiano como Venezolano pa haci tur e trabao di
remodelacion, di inspeccion cu ta wordo haci na e momentonan actual. Ta trahando paralel cu e
campamento. Tin cu corda cu ta un proyecto cu a bay riba un piek di trabao, pa por tin rond di 1500
persona trahando y e ta un compromiso pa tin’e cla den un periodo di un anja y mey. Pa e tempo ey
mester ta cla cu e comienso. E lo sirbi pa tur e produccion di crudo extra pisa y tin un circuito estableci
unda cu lo bin crudo extra pisa di Venezuela pa Aruba y den e proceso ta bay recircula e nasta, cu lo bay
sirbi como base pa produci mas crudo pisa. Ta un proyecto cu tin un efecto multiplica.

http://www.24ora.com/index.php?option=com_content&view=article&id=119576:pdvsa-contento-cu-
firmamento-di-acuerdo-cu-gobierno-di-aruba&catid=1:local&Itemid=5