Page 7 - ARUBA AIIRLINES
P. 7
Chill ta e cerbes oficial di Caribbean Sea Jazz
Festival 2018
May 20, 2018
ORANJESTAD, Aruba: E aña aki riba dianan 21 y 22 di September lo tuma luga un biaha mas Caribbean Sea
Jazz Festival Aruba 2018. Den e festival aki lo conta cu artistanan internacional y local, kendenan lo pone tur
hende disfruta di Caribbean Sea Jazz Festival Aruba. Cerbes Chill lo forma parti den e di 12 edicion festival.
E di 12 edicion di Caribbean Sea Jazz Festival Aruba lo tuma luga na Renaissance Festival Plaza. Dia 21 di
September lo conta cu cantantenan grandi den diferente genero di musica, unda cu lo conta cu e cantante di
Vallenato Jorge Celedon. Tambe lo ta presente riba e dia aki e grupo femenino di Cuba, Anacaona, kende den
pasado a bishita Aruba y a forma den Caribbean Sea Jazz Festival Aruba. Den e genero di Jazz tur hende lo por
disfruta di e canticanan di Althea Rene y e banda local cu lo ta presente e anochi aki ta Havan Vieja All Stars.
Diasabra anochi e ambiente di Caribbean Sea Jazz Festival Aruba lo continua cu artistanan internacional,
manera Kathy Sledge di e famoso banda Sister Slegde, Di Mongo cu ta un trio forma pa Directie, Montis y
Goudsmit. Tambe lo ta presente e banda di Rock famoso di Hulanda, esta Di-Rect. E anochi aki Yellow
Jackets y Erick Darius cu su banda lo pone tur hende disfruta di e canticanan di Jazz, R&B, Hip Hop y Pop.
