Page 13 - Awemainta

AWEMainta Diamars, 15 Maart 2016 13

“Nos ta haya great cu aki na Linear Park e aparatonan di
haci ehercisio a wordo instala dor di Prome Minister y su
team. Cada man cu ta yuda den ‘Aruba Doet’ ta welkom.”
OranjeFonds ta financia e proyectonan cu cada un tin
un averahe di mil florin, dus si conta e proyectonan y
algun extra material por bisa cu mas o menos 150 mil a
wordo poni disponibel. Meneer Tecklenborg ta masha
agradecido n’e companianan cu a yuda cu material, cu
tempo y conocimento.
“Si nos sigui riba e trend aki den e siguiente añanan ta
algo tremendo.”

Despues di a instala e aparatonan hunto cu su team di
boluntario, Prome Minister Eman a bisa di ta masha
contento con comunidad di Aruba ta cooperando cu
e programa ‘Aruba Doet’. “Esaki ta un esfuerso pa
contribui na hopi organisacion.
E programa aki ta inspira hopi hende pa duna un aporte
p’asina un club deportivo, un organisacion social, un scol
y partinan di un bario.
Nos ta contento cu CEDE Aruba ta guia e programa aki.”
Despues Prome Minister Eman a bay den bus cu su team
y durante henter dia a pasa duna un man na veldnan
deportivo rond Aruba.