Page 9 - AM210826

Diahuebs, 26 August 2021 AWEMainta.com 9

Damanan SVT Aruba a cuminsa nan

entrenamento den forma exitoso

Tabata dialuna ultimo cu na Mariniers Kazerne Savaneta
a duna inicio n’e prome Sociaal Vormings Traject (SVT) pa
hende muher.

Un total di 14 dama pa un aña largo lo haya guia profesional di
miembronan di miembronan di Militia Arubano (ARUMIL)
y lo tin cu haci trabao social tambe.

Meta di esaki ta pa haya mas hoben, duna nan oportunidad
pa forma parti di e mercado laboral.

Den e siguiente fase, cu ta dura 4 luna, nan lo haya diferente
entrenamento militar manera e.o. exercitie, rango y lo siña
lesa mapa. Nan sigur lo wordo poni bao di presion, e.o. lo
sa mas di disciplina, colaboracion lo haya e sentimento di
kico ta carga responsabilidad.
Despues di e fase aki nan lo bay stage pafor di kazerne, pero
un bes pa siman lo ehecuta algun trabao y/of evalua.

GANA EXPERIENCIA

Como cu ta prome biaha cu lo cuminsa cu damas di Aruba,
pa cual tin menos hende participante. Dos instructor
femenino a keda apunta pa duna e cursonan.

P’e ocasion aki Minister di Asunto Social y di Trabao,
Glenbert Croes, tabata presente pa desea tur e damanan
aki tur clase di exito. E Trayecto di Formacion Social is here
to stay. Minister Glenbert Croes a duna di conoce.

SVT ta ser duna dos bes pa aña, cu ta un cooperacion
entre Aruba y Ministerio di Defena. Na Corsou tambe
recientemente un convenant a keda firma pa Minister-
President Gilmar Pisas (alabes Minister di Husticia),
Minister Ruthmilda Cecilia-Larmonie di Desaroyo Social,
Trabao, Sciencia y Bienestar, Minister Sithree van Heydoorn
di Enseñanza, Sciencia, Cultura y Deporte. Commandant
der Zeemacht den Caribe, brigadegeneraal der mariniers
Frank Boots tambe tabata presente.