Page 16 - MIN JUS 1 APRIL 2017
P. 16
search
A subi castigo na 4 aña pa agente cu a abusa di dama den
patruya di Polis
Publication: Friday, 31 March 2017. Categoria: Judicial
Hues ta haya cu e agente a abusa di su posicion y a duna Polis mal imagen
ORANJESTAD (AAN): Diahuebs mainta e agente B. a scucha
Hues aumenta e castigo exigi pa Fiscal cu 6 luna.
Hues a tuma B. na malo pa loke el a haci esta den uniform di Polis bay abusa di un dama den patruya di Polis.
Fiscal a exigi 3 aña y 6 luna di prison pero Hues a subi esaki na 4 aña di prison.
No proba malversacion di cosnan di Polis:
Hues a bisa e ta haya cu no a keda proba e malversacion di cosnan di Polis, manera Fiscal ta haya. Na opinion di
Hues, no tabatin suficiente prueba si e agente B. tabatin autorizacion of no pa tin e cosnan aki den cashi na warda di
Polis. E tabatin cosnan den cashi na warda di Polis y no a usa esakinan pa tempo largo. Esey ta haci cu no por papia
di malversacion. El a keda sin entrega nan. Hues a declara B. liber pa e acusacion aki.
A abusa di dama:
Hues ta haya cu dia 10 November 2016, B. a abusa di e dama.
Hues a mustra cu segun abogado mr. Emerencia, B. tabatin relacion sexual cu e dama den forma voluntario. Hues
ta rechaza esaki.
Hues ta di opinion cu B. den patruya di Polis y den uniform, a bay na e cas y a tuma e dama su pasaporte y a
bis’e cu e mester bay cun’e warda di Polis pasobra ta sospecha cu e tabata ilegal. Hues a bisa cu esey ta haci cu e
dama mester a sinta patras den e patruya di Polis.
Hues a mustra cu no tin ningun prueba cu B. a haya servicio di prostitucion. Hues no ta haya B. consistente den su
declaracionnan riba esaki y tambe a señala cu B. no kier a paga pa servicio.
Abusa di posicion di Polis:
Hues ta haya B. culpable di a viola e dama. El a bisa cu e ta tene cuenta cu como Polis, B. a abusa di su posicion
pa viola e dama. Hues ta haya cu B. a tacha e integridad di e dama.
Imagen di Polis:
Hues a sigui bisa cu loke B. a haci, a crea desconfianza den imagen di Polis. Hues a bisa cu e ta tuma B. na malo
di no ta reconoce su malo y ta keda para riba cu e dama ta un prostituta. Hues ta haya cu B. a abusa di e posicion
debil di e dama kende na promer instante no kier a haci denuncia pa no haya problema.
Culpabel pa tin 60 bala: Hues ta haya cu B. ta culpable pa tabatin 60 bala scondi na cas. E 60 balanan, el a hiba cas
despues di practica tiro. E intension tabatin pa sigui practica tiro pero no a haci esaki. Esey ta haci cu
intencionalmente B. a keda cu e balanan cas y esey ta haci cu B. ta culpable.
Subi castigo:
