Page 16 - Despa

Poco poco e pueblo ta birando conciente pa criadero

on: December 23, 2015In: LocalNo Comments
Print Email

Aunke e aña aki tabata seco, e fin di aña aki a cambia cu a pone e cifra di criadero di sangura subi.
A pesar di esaki pueblo mes ta basta conciente. Clayton Croes di GKMB a splica mas di e cifranan
den e ultimo luna aki, di December.
E conseho pa pueblo semper ta keda e mesun conseho cu GKMB ta duna, pa sigui controla rond di
cas. Busca criaderonan cu ta esunnan di mas conoci cu ta duna di bisa den propaganda, esta
hemchi, scoter bao di mata, vaas den cas. Hopi biaha ta controla rond di cas, pero ta lubida di
controla paden y na e mesun luga pone bisiñanan na altura y duna nan atencion y splica cu tin hopi
sangura den bario. Puntranan si nan por tin un pos habri. Hopi di nos ta controla rond di nos cas,
pero no tin rason cu ta bisa cu e bisiña por tin un criadero. E conseho di GKMB ta pa combersa cu
bisiña, trece concientisacion na otro y pa esun cu tin mas conocemento yuda e otro di e manera aki.
Mirando cu toch Serlimar tabata tin un accion di bario hunto cu GKMB, e accion aki tabata un
positivo. Comunidad a reacciona hopi positivo mes. Según Croes, e proyecto aki tabata uno cu ta
hopi orguyoso y contento cu el a pasa, cu e rason pa asina sigui motiva pueblo pa remove
criaderonan riba nos isla y pa asina baha e cantidad di criadero cu nos sa cu ta rond di nos cas
henter aña largo.
Por wak cu hopi di esakinan a wordo removi. Criaderonan grandi a wordo removi, esta frigidaire,
wasmashinnan bieu. Por a nota cu esakinan a wordo removí. E proyecto tabata tin hopi bon efecto
pa elimina criadero rond di nos isla.
Toch nos ta cla y ainda no a yega caminda nos kier yega. E plan aki yama Integrated vector
management system. Di e manera aki por busca varios manera pa elimina criaderonan riba nos isla
y di e manera aki wak pa tin menos criadero di tur manera, hasta cu controlnan di cas pa cas. Por
medio di media keda constantemente eyden pa elimina criadero, stimula pueblo cu e campaña via
flyer y sigur purba di trece mas atencion, pa pueblo sigui papia di eliminación di criadero, pa e ta un
tema comun pa hende papia di dje y papia di con pa elimina un criadero, con pa reconoce un
criadero y con pa zorg pa e criaderonan aki wordo elimina.
Awor cu awa a cay den fin di aña GKMB tin su plan di sali bay den bario pa tuma accion pa preveni
e criaderonan sigui crece den 2016 segun Croes.
Pa 2015 por bisa cu e indexnan di verdad tabata un tiki mas abao compara cu e aña anterior. Esaki
ta debi naturalmente cu awa a yobe menos. Manera cu nos por nota, e dianan aki awa ta yobiendo
mas hopi y esey a pone nos ripara cu e indexnan lo subi, una bes cu aña habri. Esaki tambe ta un
parti cu GKMB ta na altura di dje. Tin plannan prepara tambe basa riba e mesun maneho pa hisa e
tipo di controlnan pa ta andando. Pa fin di aña, pa comienzo di aña tin un protocol diferente cu ta
wordo usa,. Ta trahando riba un nivel un tiki mas di alerta, según Croes.
Con cu bay bin tur esaki ta den man di comunidad. E yabi ta e comunidad, según Croes. Esey ta e
unico manera mirando e trabao duro cu e inspectornan di GKMB ta haciendo. E parti mas grandi ta