Page 5 - DESPA 15 MAART 2016

Nahaina de Cuba: A upgrade e travel alert pa muhenan na
estado den bista cu a liga microcefalia na Zika

Monday, 14 March 2016 20:05
Comparti

Recientemente tabata tin un presentacion cu a tuma luga pa loke ta e parti di Zika na e diferente
representante di hotel. Den e caso aki, Nahaina de Cuba, kende ta forma parti di e team di Salubridad
Publico tabata tey presente pa duna un presentacion.

De Cuba a bay riba historia di Zika, con el a cuminsa, e modo di transmision y e situacion actual rond
mundo y na Aruba, durante su presentacion. WHO, hunto cu e comite di IHR a reuni un biaha mas e
siman cu a pasa y nan a pone un link di berdad cu microcefalia y Zika cerca hendenan na estado. Nan a
upgrade e travel alert pa hendenan na estado, de Cuba a splica. Dus ta conseha nan pa evita di bay na e
paisnan cu tin actividad di Zika circulando. E riesgo awor aki ta pa personanan na estado. No solamente
e ligamento di microcefalia na e virus, pero tin mas cos por haci daño na e baby. E parti di relacion
sexual, berdad a haci tres documentacion y ta bao di investigacion ainda. Na Merca, Francia y Argentina
tabata tin documentacion cu posiblemente tabata tin transmision via contacto sexual y e ora ta duna
conseho na hendenan, vooral na hendenan na estado pa tene precaucion. Si partner a biaha bay un pais
cu actividad di Zika of si tin sintomanan di Zika pa uza proteccion ora di tene contacto sexual. Na Aruba
Departamento di Salud ta bayendo riba tur e recomendacionnan cu WHO ta pidi, de Cuba a finalisa.