Page 43 - MIN ECEM

Apesar cu esey tabata un muestra caba cu e situacion tabata no tabata dje bon ey. El a

asumi e responsabilidad pa yuda y duna un man den e desaroyo di e pais aki, no

solamente p’e mes, pero tambe pa comunidad. Semper a bisa for di comienso y a keda

ripiti esey, cu esnan cu por haci un miho trabao, cu ta kere cu por haci un miho intento,

semper ta bon bini, pasobra Bermudez no tin mester di e stoel y no tin ningun ambicion

politico. El a duna un man y a duna loke e tabata tin. For di eynan otro tin cu tuma over y

sigui cu e tarea cu a cuminsa 3 aña y mey pasa.

Pa traha un presupuesto no ta facil, segun minister Bermudez. A duna Departamento di

finansas, riba e prome concepto hopi rough cu a bin cun’e, cierto indicacionnan kico ta

kere cu tin cu sosode, pa nan bin cu un cuadro di un presupuesto cu ta beleidsarm, pa en

todo caso por entama e procedura legislativo pa e presupuesto eynan, pa ora cu un
Gobierno nobo drenta, cu nan por cohe y inclui nan maneho cu nan ta bay hiba den e

añanan venidero den e presupuesto ey y sigui cun’e te ora cu e yega Parlamento pa

aprobacion.

Minister Angel Bermudez a drenta 2014. Por a corda tambe cu gabinete Mike Eman 1 a
drenta sin un presupuesto. Bermudez a splica cu situacion a cambia drasticamente na

momento cu ley di LAFT a wordo introduci hunto cu CFT. Ley di LAFT ta duna
exactamente tur regla pa henter e trayectoria di un presupuesto pa e cuenta anual, pa e

raportahenan, pa e presupuestonan supletorio. Den e ley di LAFT, tur eseynan ta stipula.

Esey ta e cambio cu tin compara cu añanan prome cu 2014, pasobra e tempo ey tabata tin

e ley di contabilidad, pero cu tambe ta basta anticua, ta duna e flexibilidad cu por habri

aña sin presupuesto, por uza e ora un parti di e presupuesto bieu, no tabata tin ningun

sancion, etc. riba eseynan. Awendia esey no ta posibel mas. Ta pesey ta haciendo tur

afan, esfuerso, pa toch en todo caso tin un cuadro di presupuesto riba mesa, mescos cu e

otro raportahenan. Tambe pa e supletorio, cu mester finalisa e presupuesto 2017. E cuenta

anual di 2016 y tambe e raportahe di e di tres trimester aki, pa tur hende por wak kico ta e