Page 39 - ARUBA BANK

cu e bin. Tampoco ta para keto, si Citgo bisa definitivamente cu nan no ta bin, tin 300
hende ta trahando eyden. Por ta 7 of 8 no ta Arubiano. Tur e otronan ta Arubiano. Ta
ganando hopi placa.

Si e hendenan aki wordo kita for di trabao, nan ta paga bon, nan ta paga loonbelasting.
No ta esunnan cu nan kier trece hotelnan nobo, cu ta bay gana Minimunloon, cu no ta
bay paga loonbelasting.

Nos Arubianonan cu ta paga loonbelasting, por imagina, cuanto entrada menos ta
drenta y medida lo tin extra cu tin cu bin, si nan mester manda e 300 hendenan aki
cas.

Wever tin e speransa y un palabra pa politiconan cu tin asiento den representacion di
parlamento y esunnan pafo tambe y gobierno, pa ta sereno. Pa stop di tira culpa riba
otro. Siman pasa tabata un tiramento di palabra pa otro, sin cu e pueblo di Aruba ta
wordo sirbi cu esey.

Booshi Wever a splica cu pa cuminsa e ta sinti cu tin un lantamento di miedo den
pueblo. Por ehempel ta wordo bisa cu nos schuldquota ta 93%. Den ningun di e
rapportnan ta para di 93%. Ta papia di 91%.

Pero ta haci como si fuera cu ta CAFT ta culpabel of ta AVP ta culpabel. Ta berdad cu
AVP a hinca nos den un baina hopi grandi. Pero Citgo a bin Aruba ora cu e tabata 75%.
Na 2009, e tabata 43%. Ora cu el a bin cu e tabata 75%, Otmar tabata eyden.

El a subi cu 33%. Ora cu CAFT a bin, cu Otmar tabata eynan, el a subi pa 86%. Ta 11%
extra cu Otmar tambe ta culpabel. Awo e ta haci como si fuera cu e no tin ni arte ni
parte. E cosnan aki tin cu caba.

Por ta Wever mes ta haciendo su mes culpabel door di mustra dede. Pero Pakico tin cu
keda mustra dede, pasobra no tin e investigacion imparcial cu a tuma luga.

Ainda nos no ta laat, Wever ta kere.