Page 21 - MIN ON

E beneficionan di studia na Universidad di ARUBA E dia di informacion lo ta diajuebs 7
di april, di 18:00-21:00
Wednesday, 16 March 2016 08:58

Comparti

Diahuebs, 7 di April, Universidad di Aruba ta habri su portanan y ta invita tur hende pa bin cera conoci cu
e ocho programanan di estudio cu Universidad di Aruba ta ofrece.

Universidad di Aruba no ta solamente pa studiante cu a caba Colegio Arubano, ISA, Ibero of EPI, sino pa
tur hende cu lo kier haci uzo di e oportunidad pa sigui un estudio na nivel di Bachelor of Master. Kiko ta e
beneficionan di studia na ARUBA? 1. E klasnan ta chikito, cu tur facilidad moderno. 2. Tin facilidad di IT,
biblioteca y espacio pa studia. Tin espacio pa studia na e edificio na J.E. Irausquinplein y na esun na L.G.
Smith Boulevard (pabou di Ex - Super Food). Como cu e gruponan ta chikito, tin hopi guia y atencion
personal pa tur studiante. E studiantenan ta haya hopi oportunidad pa acerca e diferente docentenan pa
guia. 3. Fuera di e atencion cu nan ta ricibi di e personal di nan facultad y di e docentenan, tin tambe
diferente servicio di sosten, manera e oficina di asunto di studiante, biblioteca y un oficina di guia
psicologico. Tur e servicionan y sosten ta contribui cu e studiantenan por caba nan estudio cu exito. 4.

E studiantenan ta siña traha den TEAM den diferente proyectonan cu e studiantenan local, studiantenan
di e otro facultad y studiantenan di universidadnan international o regional. 5. Tin cierto proyecto cu e
studiantenan ta haya pa traha cu ta importante y na beneficio di comunidad Arubano. 6. Oportunidad pa
participa activamente den e Service Club Circle K. Como cu U.A. ta un universidad chikito, hopi di e
docentenan ta bin di afo. Es decir, cu e studiantenan ta ricibi nan informacion na nivel local i
internacional. 10. Gasto di matricula (collegegeld): Na Aruba ta paga solamente 1200 florin pa aña
academico. Si nos compara esaki cu diferente otro universidad den nos region e collegegeld ta hopi abou.
11. Debi cu Universidad tin diferente areglo y acuerdo cu otro universidad, e studiantenan cu ta paga
solamente collegegeld di Aruba, por sigui un parti di nan estudio den exterior of haci nan stage na
Curacao Hulanda,Merca etc. .Asina nos por sigui menciona diferente beneficio pa studia na Universidad
di Aruba.

Den un otro articulo nos lo sigui informa tocante e diferente posibilidadnan cu Universidad di Aruba ta
brinda su studiantenan. Nos lo enfoca riba e posibilidad pa den e di tres of cuater aña di nan estudio nan
por haci parti di e estudio na un otro pais, pa nan experiencia e theorianan di nan estudio di otro
perspectiva. Universidad ta invita pueblo en general pa asisti na e dia di informacion, diahuebs, 7 di April
di 6.00 - 9:00. Atardi. Ariba e potretnan nos por wak studiantenan cu ta yuda promove nan Universidad y
studiantenan den nan break )