Page 25 - AAA

Fazio: Trafico aereo entre islanan ABC a

cay cu 50% den 2017

Posted on 11/30/2017 4:22 pm AST | Updated on 11/30/2017 4:32 pm AST

ORANJESTAD – Trafico aereo entre islanan ABC a cay cu 50% den 2017. Asina
gerente di aeropuerto di Aruba, James Fazio a bisa NoticiaCla na occasion di e buelo
inaugural di Aruba Airlines entre Aruba y Bonaire diaranzon. Esey ta haci cu mientras cu
cada buelo cu drenta y sali for di Aruba ta importante, esun di Aruba Airlines tabata mas
importante segun e gerente. Segun Fazio a splica NoticiaCla, e buelo nobo aki ta bay
simula demanda cu tabata ‘drumi’ pa varios aña. Fazio a mustra cu 2 aña pasa ora cu
Insel tabatin su miho momento, aeropuerto tabata genera 100 mil pasahero entre Aruba,
Corsou y Bonaire facilmente. Aworaki nos ta cera e aña aki cu un reduccion di 50% di e
cantidad ey, pues 50 mil. Esaki pa motibo di e problemanan cu Insel Air tabatin e aña aki.
“E demanda tey” Fazio a bisa. Ta solamente cu e tabata ‘drumi’ e ultimo tempo aki. E
gerente tin tur confianza cu Aruba Airlines por haci un bon trabou y lo ta bon pa tanto
Aruba como Bonaire. “E ta duna e hendenan di Bonaire pa conecta den un servicio aereo
cu nos tin na Aruba”. Asina e director a bisa relaciona cu e buelo inaugural di e aerolinea
entre Aruba y Bonaire. E la mustra cu opera un aerolinea no ta facil, y cu bo ta na merced
di competencia cu ta cambia, prijs di gasoline etc etc. Foto ta mustra Fazio mei mei di su
staff na aeropuerto prome cu e salida di e buelo inaugural for di Aruba pa Bonaire di
Aruba Airlines.