Page 4 - DESPA

DIRECTIE VOLKSGEZONDHEID TA

RECORDA INSTANCIANAN DI CUIDO

REGISTRACION TA OBLIGATORIO SEGUN

LEY DI CALIDAD DI CUIDO AINDA TIN

HOPI INSTANCIA CU MESTER REGISTRA

July 28, 2017 Admin Uncategorized Leave a comment

ORANJESTAD, Aruba: Na januari 2017 Ley di Calidad di Cuido a bin na vigor y e
ley aki ta encera cu tur instancia cu ta duna cuido na Aruba mester registra.
Directie Volksgezondheid (DVG) ta tumando contacto cu diferente instancia cu ta
duna cuido pa recorda nan pa registra.Beleidsmedewerker di DVG, Drs. Uginia
Poulina-Thomson, a indica cu un e-mail a wordo manda na e instancianan, pero
tin di nan cu ainda no a contesta e e-mail. Den e e-maila aki tin un formulario di
registracion inclui. E instancianan mester yena e formulario aki y manda esaki
bek pa DVG na registratie@despa.gov.aw. Pero hunto cu e formulario e
instancianan mester manda un identificacion valido y e formulario di Camara di
Comercio.E motibonan cu un instancia no a contesta e e-mail di DVG ta
posiblemente cu e persona encarga a bay cu vakantie of porta e e-mail adres di
e instancia no ta trahando mas of a cambia di e-maila adres. Uginia Poulina-
Thomson ta pidi pa e instancianan, cu ta duna cuido, tuma contacto cu DVG pa
asina nan por haya e formulario di registracion. Segun Ley di Calidad di Cuido e
instancianan mester registra. “Si nan tuma contacto cu nos, nos ta manda nan e
formulario di registracion. Y asina nan por yen’e y continua cu e proceso pa nan
por registra”, Uginia Poulina-Thomson a splica.Aworaki DVG ta mandando un
recordatorio na e instancianan di cuido unda cu varios carta di recordatorio a
keda manda pidiendo nan pa tuma contacto cu DVG. Tin un fecha stipula, pero
despues di cada 2 siman e departamento ta mandando un e-mail di recordatorio.
Tin varios instancia cu a tuma contacto cu DVG, pero falta ainda hopi instancia
pa registraPersonanan individual cu ta duna cuido tambe mester tuma contacto
cu DVG pa asina por yena e formulario di registracion. E instancianan cu ta duna
cuido ta hospital, ImSan, dokternan di cas, specialistanan, tandartsenpraktijk,
boticanan etc..E ta un obligacion pa e negoshinan registra y esaki ta poni den
Ley di Calidad di Cuido. Si un negoshi of instancia no registra, esaki por tin
sancion pa nan. E ley aki ta duna e inspector e autoridad cu e lo por duna un
‘last onder dwangsom’. E formulario di registracion por haya riba DVG su
Facebook, pero tambe por tuma contacto cu DVG pa haya esaki via e-mail
na registratie@despa.gov.aw of via telefon na 5224200.