Page 17 - HOH

ORANJESTAD (AAN): Jayburtt Dijkhoff, consehero di Salud Publico, a duna un
presentacion na e NGO’s encuanto nan rol durante calamidad.

E presentacion na e NGO’s tin di haber riba ora di calamidad, y Sr. Dijkhoff su parti, ta e
parti huridico na e puestonan medico cu ta bay tin, den e diferente partinan di e isla ora di
desaster. E por ta den cualkier evento, manera, horcan, temblor, avion cu lo cay, tsunami, e
por ta cualkier evento cu por haci cu economia of salud, siguridad di hende ta wordo stroba
na nivel nacional.

A reuni cu medico y enfermeronan, pa splica nan cual lo ta nan funcion y deber como
trahado den area di salud. Sr. Dijkhoff ta enfatisa cu puestonan medico ta hopi importante,
e rol cu enfermeronan ta importante, mas aun ora di desaster, no tur ora e accesibilidad
t’ey pa Imsan of Hospital, pa cual e puestonan medico ta keda hunga un rol importante.

Mas leu, Sr. Jayburtt Dijkhoff tambe a splica cu den casonan aki medico ta hunga un rol
hopi importante unda cu nan tur lo wordo yama di manera boluntario. Tur e dokter- y
enfermeronan ta wordo yama, pa boluntariamente, bin yuda, ya cu ta trata di un calamidad
unda cu ta bay tin mester di e experticio medico.