Page 16 - KPA DEC 23 2015

E chauffeur haya cu arma tin apenas 18 aña di edad

Publication: Wednesday, 23 December 2015. Categoria: Policial
Accion relampago di “Mobiele Eenheid”

ORANJESTAD (AAN): Tabata dialuna alrededor di 9:10pm cu un patruya di Polisnan di e team
di “Mobiele Eenheid” a topa cu un auto marca Toyota, modelo Tercel, color cora cu number A-
61274, coriendo den un forma sospechoso. Ora Polisnan a pasa banda di e auto, mesora e
chauffeur a aumenta velocidad, locual a pone cu Polisnan a bay su tras y a par’e na altura di e
rotonde di Pos Chikito.
Den e auto Polis a topa e chauffeur di inicial J.A.G.S. naci na. Republica Dominicana di 18 aña
di edad. Polis a pidi’e permiso pa controla den e auto y el a bay di acuerdo.
Eyden a topa cu un arma di candela, pa cual a detene e hoben mesora. Un rato despues e doño di
e auto a presenta na elugar, J.G.L., naci na Republica Dominicana di 22 aña di edad, kende
tambe a keda deteni.
Cu e detencionnan aki awor Polis lo investiga e motibo di con a actua sospechoso, di con ta cana
cu arma di candela den auto y si por tin cualkier delito contra ley cu e hoben aki a caba di
comete. Investigacion como tal lo continua.
http://www.diario.aw/2015/12/e-chauffeur-haya-cu-arma-tin-apenas-18-ana-di-edad/