Page 7 - KPA DEC 23 2015

Popeye di Grupo di 7 deteni pa Polis y cori di cas despues di agredi su yiu menor
cu biga
Wednesday, 23 December 2015 08:21
Comparti

Popeye ta un figura conoci den diferente area. Ademas di ta riba caya cu Grupo di 7 sea na jockey of otro
areanan protestando, e ta conoci tambe pa maltrato na diferente ocasion contra su mesun famia den cas.
No ta prome biaha cu e ta keda deteni. Biaha pasa el a agredi su pareha y e biaha aki el a agredi su yiu
menor di 16 aña.

E famia ta harta di Popeye Dijkhoff cu ta scucha conseho solamente di esnan di Grupo di 7. Nan ta mas
use tambe pasobra ta bise kiko pa papia na diferente ocasion y ora scuche ta cosnan bruha sin base so e ta
papia. Diamars anochi Polis a bai na su cas na Papaya. Eynan a atende cune riba su actitud na cas. Parce e
yiu ta harta di e tata cu cada biaha ta pone cosnan for di sla riba facebook. Esaki tabata e caso atrobe
caminda cu e yiu a haya e tata bezig. Mas trempan Popeye tambe tabata na rotonde Paradera cu e grupito
di 7. Despues el a bai cas y na momento cu tabata pone cosnan riba e facebook e yiu a atende cune. E
muchanan ta victima riba caya di e locura di e tata. Diamars anochi despues cu e yiu a hala atencion di e
tata, el a pasa man pa un biga dal e yiu y laga un marca basta grandi na su custia. Polis a detene mesora. E
casa a bisa Polis mesora cu nan no kier Popeye mas den cas. Pesey mes a dune tur chens pa e recohe su
paña y su fan. Polis a detene hibe warda unda eynan e mester a duna un declaracion. Djey e subfiscal a
dicidi cu e lo keda sera. Na warda di Shaba su camber tabata warda riba dje. Durante dia lo dicidi kiko lo
haci cune. Pafo yegando warda el a cuminsa grita caba kiko e ta bai haci. Biaha pasa cu el a bai sera e no
kier a come pasobra el a expresa cu minister di husticia y turismo kier venena su cuminda. Puro locura e
ta papia. E ta acusa henter e gobernacion di tur tipo di cosnan cu e ta pensa pero no tin prueba. Den corte
recien huez a hala su atencion fuertemente riba su style di acusa hende y el a perde su casa masha mahos
mes. E caso aki tabata acusacionnan cu el a haci contra minister Otmar Oduber. Awor a warda mira
cuanto dia e ta keda sera y kiko ta e siguiente locura di Popeye Dijkhoff. E pañanan e patruya cu a hibe
warda di Noord a hiba esaki na e cas di e mama na Paradera. Eynan a bisanan mesora cu e yiu ta sera
atrobe.