Page 18 - UTILITIES

crece. Basa riba e recomendacion di ambos rapport di DNM y esun di Altera, DOW a

urgi e compania di utilidad y a pidi DOW, como cu e ta un autoridad cu por traha duikers,

e ora ey a bula aden pa yuda e compania di utilidad pa reestablece e condicionnan aki.Pa

bay mas den detaye riba e rapport, e ta disponibel riba e website di DOW of tambe su

facebook. E ta den un lenguahe hopi simpel, directo cu tur hende por compronde.

Esaki lo clarifica diferente cos. Critica cu DOW ta haya ta basa riba falta di informacion

cu e comunidad lo mester tin. Por medio di e conferencia di prensa ta clarifica e posicion

cu DOW ta tuma y si ta DOW a haci un eror, nan ta asumi e responsabilidad y ta corigie.

Pesey ta pone dilanti di biaha.

Ora cu DOW haci un trabao banda di un propiedad priva, ta percura pa ora cu bandona

area di trabao, laga e propiedad mescos cu nan a hay’e. Esey ta e principionan di bon

acercamento di proyecto. Loke Altera ta sugeri ta, door di reestablece e condicionnan

faborabel pa e saliña funciona bek, cu e awa ta drenta sali bek, e por drecha e

condicionnan cu no tin awor aki y e mangrovenan lo por bin bek. Ta muy probabel tambe

cu algun di e mangrovenan a muri asina caba cu nan no lo por bin bek mas. Pero durante

trabao cu a wordo haci den fin di siman, tabata tin varios hende den veld y a ripara cu

algun di e mangrovenan a cuminsa spruit algun blachi caba, mirando cu tabata tin un
awasero tras di lomba, cu a yuda baha e salinidad den e awa tambe.

Ta sali for di e punto di bista cu e posibilidadnan ta grandi cu lo tin restauracion. DOW lo

monitorea e situacion. For di nan punto bista wak si awa ta drenta sali y DNM lo bay

midi e salinidad constantemente, pa garantisa cu e condicionnan ta faborabel.