Page 3 - ASTEC MRT 12,2015

Aruba Ports Authority ta Premira un Aña Crucero Saludabel

W ednesday, 11 March 2015 15:30
Comparti

Mientras cu 2014 tawata un aña “shoulder-to-the–wheel”, debi na entre otro e inicio di e trabounan na
Barcadera, hopi cambionan remarcable a tuma lugar den e industria crucero tambe.
E entidad portuario a mira un aumento barbaro den yegada di pasajero crucero cu ta paga e passenger
facility charge (PFC) durante lunanan “off-season” esta e lunanan di Mei, Juni, Juli, Augustus y
September 2014, compara cu un aña record manera 2013, principalmente debi na incentivonan pa
temporada abou cu nos a bin ta duna.
Un di e tendencianan principal di e industria crucero cu nos a bin ta observa durante e ultimo añanan ta
e interes di companianan manera Royal Caribbean den paisnan Asiatico y Australia. Na 2014 tanto
Carnival Corporation y Royal Caribbean Cruises Ltd. a anuncia e expansion di nan flota di barco na
China. Esaki lo trece cu ne naturalmente cu nan lo tin un “ shift” den nan capacidad for di e mercadonan
madura (mature markets) manera Caribe, y cu ta inclui Aruba y e isla bisiñanan, entre otro.
Apesar di esaki, cu no ta inusual den e industria, APA ta projecta pa mira aún más yegada di pasahero
prominentemente ariba e barconan di Carnival Cruise Lines, cu cerca di 150.000 pasahero. Princess
Cruises y Royal Caribbean tambe lo sigi trece cantidad significativo di pasahero. Segun e ultimo
reservacionnan haci pa e lineanan crucero na Aruba Ports Authority, nos ta projecta cu un biaha más nos
lo por surpasa e cantidad di 600.000 pasajero cu ta paga e PFC, locual pa e puerto ta indicativo di un
industria saludabel. E pensamento aki ta basa ariba e puerto su capacidad di ocupación máximo pa
mantene e bon servicio cu Aruba ta conoci pe.
Mientras cu nos meta ta pa sigi crece e industria, esaki lo ricibi mas enfoke unabes e servicionan di carga
muda pa Barcadera. Ta di sumo importancia pa e crecemento di bishitante bay man den man cu e
infrastructura necesario pa por mantene e servicio actual. Nos industria crucero ta un di e
contribuidornan principal na nos forza laboral, primordialmente den Oranjestad. Ta nos intención pa
mantene un industria saludable y viable, mientras ta enfoca ariba ofrece e miho calidad di servicio
posible.
Pa mas información ariba cifrasnan oficial di turismo crucero por
bishita:http://www.arubaports/statistics