Page 30 - UTILITIES 29 MAY 2017
P. 30
DOW a splica riba e Watty Vos Blvd y Green Corridor den un
conferencia yama diadomingo
Sunday, 28 May 2017 22:32
Comparti
DOW a tene un conferencia riba diadomingo pa asina trece algun informacion pa e
comunidad di Aruba. Durante e conferencia a splica un tiki primeramente riba e proyecto di
Watty Vos Blvd.
Aki ta roesando tereno pa e proyecto cuminsa y keda cla. Mester haci cierto trabou pa
acomoda e matanan tambe segun Marlon Croes. E proceso aki tambe a wordo splica durante
e reunion. Mester tin ekipo cu mester yega y diabierna mainta segun palabracion a traha
caminda pa ekipo yega unda e trabounan mester a cuminsa. Situacion ta bou di
control. Marlon Croes director di DOW a splica cu tin hopi keho y reclamo ora un proyecto
asina ta andando. Pesey DOW tey trempan pa splica e strategia y con ta atende cu e caso.
Mester acerca e comunidad den un escala mas grandi y completo. Marlon Croes director di
DOW a splica cu despues lo bay tin trabou mas intenso tambe pa traha e fundeshi di e
caretera. Lo tin anochi di informacion tambe. Finalmente Marlon Croes a splica cu tin
diferente imagen cu ta wordo duna y hende mester compronde kiko esaki ta. E director di
DOW a splica cu nan lo sinta cu Stimaruba tambe. Lo scucha conseho di nan tambe. Tin
diferente motibo pakiko a escohe pa traha asina cu Watty Vos Blvd. E ta un proyecto di
infrastructura di mas grandi cu a conoce na Aruba. 905 – E tema di Green Corridor y brug di
Pos Chikito tambe Marlon Croes director di DOW a toca durante e conferencia di prensa
yama diadomingo na DOW. Aki el a splica y duna update pa asina pueblo por haya un bista
kiko exactamente ta andando awor y cambionan cu chauffeurnan mester tene cuenta cune.
Pa hopi tempo mester a haci reparacion na e brug na Pos Chikito y awor e lo keda cla pronto.
E brug nobo na Balashi cu ta wordo construi no ta wordo usa pa peaton. E bieu cu tin lo
wordo usa pa fietspad y uso pa peaton ora e proyecto di Green Corridor keda cla. Marlon
Croes director di DOW a splica cu ora tin proyecto grandi semper tin sorpresa. Asina mes a
prepara hopi pa e proyecto di Green Corridor segun Marlon Croes.
