Page 79 - MIN ON_Neat

EVELYN WEVER-CROES GANADOR

ABSOLUTO DI DEBATE DI MILLENNIALS

July 16, 2017 Admin Uncategorized Leave a comment
ORANJESTAD — E debate di millennials siman pasa diahuebs tabata un exito
grandi. E set up tabata hopi profesional y e preparacion tambe. E preguntanan
tabata mas al caso, y talves cu excepcion di e preguntanan SI of NO, tur cos
tabata bon prepara.
Den e preguntanan Si of NO tabata tin algun cu ta demsiado importante pa djis
contesta SI of NO, y cu mester di splicacion. Pero por lo general un debate hopi
profesional y bon hinca den otro.

Di e debate aki un biaha mas lider di MEP Evelyn Wever-Croes a sali e ganador
absoluto. Sea cu bo ta di acuerdo of no cu tur su contestanan, locual a resalta
serca tur hende ta cu Evelyn ta un lider bon prepara pa lidera nos pais. Evelyn ta
contesta tur pregunta, ni con dificil nan ta. Evelyn ta sincero den su
contestacion, maske e sa cu e lo no haya aprobacion. Eseynan ta
caracteristicanan cu nos ta busca den un lider.

LIDER DI MEP TA BON PREPARA Y A CONTESTA TUR PREGUNTA
No tin ni un pregunta cu e no a contesta, y el’a tuma su tempo pa splica e vision
di MEP den e poco tempo cu a ser duna na nan. Su contestanan tabata directo y
al caso, y realistico. Kiermen bo ta mira cu ta un persona cu un bon estudio, cu