Page 97 - MIN ON_Neat

Partido AVP ta lansa Michael Lampe como candidato

Sunday, 16 July 2017 20:09
1

Comparti

Den un anuncio cu a sorprende comunidad completo, Partido di Pueblo Arubano AVP a lansa diasabra
anochi un candidato nobo den persona di e hoben musico y defensor di cultura, Michael Lampe.

Na sede di BEAM den centro di ciudad un grupo grandi di famia, amigo di Lampe hunto cu
simpatizantenan di AVP a bini hunto pa presencia e momento caminda Lampe ta drenta area politico.

Alice van Romondt a realisa e introduccion expresando un gran emocion pa e potencial di e candidato
nobo aki riba tereno di innovacion di educacion y cultura, pero tambe elogiando e vision y decision di
lider di partido Mike Eman pa inclui un persona cu un amor asina grandi pa su pais y gana di traha riba e
lista berde pa eleccion 2017
Eman na su turno a elogia e balornan di e hoben cu semper ta busca pa conecta e herencia cultural di nos
isla cu e generacionnan actual. Tambe e lider politico a expresa un confiansa total den e capacidad di
Lampe pa aporta considerablemente na filosofia di partido AVP pa alcansa un Aruba sostenibel caminda
tin progreso pa un y tur.
Michael Lampe ta bin for di e bario di Savaneta, mescos cu su generacionnan anterior. E ta conoci
artisticamente tambe como Fellow y creador di Datapanik y a studia composicion y produccion di musica
na e Facultad di Arte, Media y Tecnologia na e Scol di Arte di Utrecht, Hulanda. Pa mas informacion riba
Michael Lampe su pensamento y actividadnan, por bishita e pagina web: www.bancumichael.com
mescos cu su cuenta di Facebook, Instagram y Twitter.