Page 5 - POST ARUBA

Rose Joalla van der Linden tabata di fiesta na Post Aruba N.V. celebrando su 10 añanan

di servicio fiel y dedica. El a cuminsa na Post Aruba N.V. den e funcion di empleada di

loket 10 aña pasa y e aña aki e tin un reto nobo cu ta den e departamento di Post Pakket.

E ta

sinti su mes hopi motiva cu e reto nobo aki.

Gerencia di Post Aruba N.V. a ricibi diferente comentario positivo di Rose Joalla van der

Linden. E ta un persona hopi serio y proactivo durante su trabou. Tambe e ta un persona

hopi amabel y respetuoso tanto cu cliente como coleganan. E coleganan a indica cu Rose

Joalla van der Linden ta un persona cu hopi agradabel pa traha cun’e. Un di su

cualidadnan ta cu Rose Joalla van der Linden ta cla pa yuda y siña otro colega. Tambe e

ta stima su trabou hopi y p’esey e ta duna hopi di su mes. Coleganan di Post Aruba N.V.

y famia di Rose Joalla van der Linden a yega hunto pa asina celebra su 10 aña di servicio.

Gerencia di Post Aruba N.V. ta manda palabranan di felicitacion y p’e sigui duna hopi di
dje. A funda e compania priva Post Aruba N.V. na aña 2005. Su oficina principal ta situa

na J.E. Irausquin Plein # 9 na Oranjestad y tin 2 oficina adicional na Santa Cruz y San

Nicolas.

Ey ta ofrece tur tipo di servicio, for di manda un envelop, te na carga pisa. Post Aruba
N.V. ta conta cu 111 empleado, cu diariamente ta yega na 42 mil adres situa tur rond di

nos isla. Mas cu djis un servicio, e empleadonan atento ta percura pa tanto

comunidad como sector comercial por comunica cu otro. Pa mas informacion

riba servicionan di Post Aruba N.V., bishita e website www.postaruba.com of check nan

paginanan riba Facebook, cu ta Post Aruba N.V. y Aruba Stamps.