Page 20 - SOLO 9-12-2015
P. 20
Pagina 20 Diamars 8 December 2015
San Nicolas Taekwondo Center a cera e aña calendario
di Taekwondo cu nan ultimo campeonato di aña 2015.
San Nicolas Taekwondo Center a cera e aña calendario
di Taekwondo cu nan ultimo campeonato di aña 2015.
Diasabra ultimo Master Eric Barry di San Nicolas
Taekwondo Center a cera e aña deportivo di Taekwondo
cu e ultimo campeonato di aña 2015 y 7 scol di
Taekwondo di Aruba a participa na esaki. E evento a
tuma lugar na Teresita Center situa na Bernhardstraat y
tur esnan cu a participa a wordo bendiciona.
Nos por papia di un campeonato bon bishita pa mayornan,
atletanan y coachnan cu a haci cu e campeonato
tabata na ordo di dia. San Nicolas Taekwondo Center
a probecha di laga tur su atletanan participa pa asina
nan tambe por haci un diferencia, locual a pasa tambe,
mirando cu e copa di Best Team a keda na San Nicolas.
San Nicolas Taekwondo Center su atletanan a tuma e
oportunidad di felicita nan Master Eric Barry kende a
cuminsa haci un diferencia grandi den e scol y Aruba.
Na Corsou Master Eric Barry a fungi como un di e
refereenan internacional hunto cu Grand Master Chaco
Jose Cornelio di Noord Taekwondo Center. Cu e animo
cu Master Eric Barry a haña, a pone cu Master Eric
Barry lo bay ta claba na e TK5 di otro aña cu lo bay ta
e di 5 aña. Master Eric Barry ta mirando cu San Nicolas
Taekwondo Center su campeonato ta creciendo aña pa
aña mas y San Nicolsas nan manera di bisa” We keep
the best for last”
