Page 6 - AM200709

6 AWEMainta
Minister Presidente lo entrega
derecho di pueblo pa dicidi riba
nos propio desaroyo economico
DIAMARS mainta Parlamentario mr. drs.
Arthur Dowers ta comparti riba e seriedad
di e situacion tumando lugar y kico ta locual
Prome Minister di Aruba tin intencion
of locual cu el a haci caba. Parlamento
t’esun cu mester a haya informacion riba
condicionnan cu Hulanda a manda, pero
Prome Minister a bin gaña Parlamento
caminda den un carta manda pa Hulando
no por a mira ningun caminda un permiso
pidi pa comparti e informacion.
Segun Parlamentario Dowers, e pantomina
cu a manda den un carta ta bergonsoso
y no ta duna balor n’e funcion di Prome
Minister di nos pais. Ta un situacion cu
ta atende “zakelijk”, ley na bo banda y
argumenta asina ey.
Evelyn Wever Croes ta para n’e
momentonan cla pa entrega e derecho di
e pueblo aki pa por dicidi riba su mesun
desaroyo economico.
N’e momento aki por mira Evelyn Wever
Croes ta gaba su mes y insulta Corsou y
Sint Maarten n’e momentonan aki, cu
nan ta manera mucha chikito y ta Aruba
so ta comporta su mes manera hende
grandi, ta algo ilogico pa bo bay ofende bo
partnernan cu ta den mes situacion cu bo,
pero ta gabando situacion economico di
nos pais, gabando stabilidad economico cu
Arthur Dowers (AVP):
nos a conoce den e ultimo añanan mara n’e
libertad di por a haci scogiencia pero awe
e ta para na punto di entrega e libertad ey.
Pueblo tin cu compronde algo, e situacion
no ta cu politiconan pa bay haci y deshaci
aunke cu e politiconan aki merece poco
di e slanan cu nan ta hayando, pero locual
nos pais no merece. Aruba no merece cu
nos NO por tin e libertad di haci scogencia
riba nos desaroyo economico. Cu ta locual
a haci p’e ultimo añanan pa garantisa cu
nos ta un paso mas dilanti cu hopi otro di
e islanan.
Promesanan di corta gasto, no a cumpli.
Cocolishi Social Club, t’eyden tin yen di
hende cu mester bay cas. Un Minister di
Finansa cu te ainda no por conta, ta insinua
cu tin algun hende cabey blanco ta traha
eyden, pero nan no ta pensionado.
Ta na montonnan ta eyden cu a tiña cabey
cu ta pensionado, algun tiña blond/bruin di
tur color pero cu mester bay nan cas.
N’e momentonan aki ainda tin hende
eyden cobrando 25% riba e 12% cu tin cu
corta, cual ta un abuso sistematicamente. Y
te esaki ta algun di e abusonan cu Hulanda
ta apunta y ta bisa cu ta basta, segun Arthur
Dowers. Ayera e Prome Minister ta yama
gremionan pa un cumbre sin informcaion.
Diahuebs, 9 Juli 2020
Ni Parlamento e tabatin documento ni
informacion cu e por a comparti, ta kico
e ta bay gaña e gremionan cu algo cu bo
no por divulga. Despues lo pasa pa gaña e
lidernan di e diferente partidonan politico
sin duna informacion cu nan por comparti.
Na final lo sali cu un otro triki. Pero laga
e ta adverti, cu locual e ta haciendo n’e
momento aki ta hopi hende tin wowo riba
dje.
Hopi hende cu bista y hopi hende atento
riba e wega y peliger cu e ta creando p’e
stabilidad y continuidad di e pais aki y
ta spera cu esnan cu ta papia cu ne awe
ta consciente cu locual e ta hunga y cu
nan tambe lo sali y denuncia locual e ta
haciendo, pasobra esaki no ta bon.
Sali y transparente, duna informacion pa
Parlamento tuma e desicion. Pasobra e
cos aki por bay fout, pasobra si Evelyn
Wever Croes a firma caba of ta den firma
cu Hulanda, na final di dia e tin cu bin bek
Parlamento pa pasa diferente ley (pasobra
a tende di diferente ley cu nan ta exigi
pa pasa) y e leynan aki NO ta bay y e ta
yegando “na fin di su latin”.
Ta consehabel p’e bin transparente y
honesto cu Parlamento, pasobra si e no
haci esaki, ta premira cu e cos aki ta bay
caba malo.
Sea den e dianan aki mes of den dianan nos
dilanti pero ta bay caba malo pasobra den
niun manera ta bay forsa hende haci cos sin
sa kico nan ta bay hinca nan curpa aden.
Falta di respet (y no ta culpa Hulanda) falta
di respet pasobra Hulanda no tin confiabo y
no ta respetabo y ta tratabo manera mucha
chikito y enbes di comporta bo mes manera
hende grandi, ta scirbi un carta di mucha
chikito manda pa Hulanda cual no ta yuda
nos pais p’e stabilidad y trankilidad cu nos
mester pa sigui padilanti.
Cos ta malo awor akinan, e lo drecha,
pero na man di e Gobierno aki y cu e
comportacion aki e lo dura hopi mas largo
pa drecha, Arthur Dowers a conclui.