Page 70 - Min VOS June 4 2015
P. 70
Evelyn Wever-Croes: desde introduccion di health Tax 1 december 2014 Placa di health
tax no a yega AZV
Thursday, 04 June 2015 09:12
Comparti
Aña pasa 1 December 2014 Aruba a cera conoci cu e health tax (BAZV), un aumento di 1% di e BBO. E
belasting aki lo mester a genera mas o menos 60 miyon florin pa aña cual mester wordo manda mesora pa
AZV pa por percura pa e cuido medico di nos comunidad.
Durante conferencia di prensa di MEP lider di MEP Evelyn Wever-Croes a trese padilanti cu loke nan a
compronde ta cu te dia di awe gobierno no a paga AZV loke a genera desde december 2014. Cu otro
palabra ta ranca placa di pueblo desde december pero te awe e placa aki no a yega den e caha di AZV, algo
cu tin e fraccion geel hopi preocupa y cu ta contra ley.
“No lubida cu Fraccion di AVP durante tratamento di presupuesto a entrega un amienda pa aumenta e
BAZV cu 1% mas entrante 1 juli 2015. Remarcabel ta cu e ley mes no a yega parlamento pa por wordo trata
ainda. Pero hecho ta cu 1% mas lo bay pa AZV cual ta cuestionabel pasobra loke a wordo genera desde
december 2014 mes nunca a yega su destino. Ley ta bisa cu e belasting aki ta un "bestemmingsheffing" y
loke ta pasando awor ta contra di tur principio y ley. Nos ta spera cu e minister coregi e situacion aki y
bini dilanti pa clarifica e asunto aki mas pronto cu ta posibel. Nos kier mira prueba cu e placa desde
december 2014 a wordo manda pa AZV y no cu gobierno a gasta e placa aki na fiesta y biahamento”, segun
lider di MEP Evelyn Wever-Croes
Comentarionan (6)
Mustra/Kita comentarionan
HelenDonati
June 04, 2015
94.212.149.213
Votes: +2
...
Bo ta bin bati bo klep atrobe? Bo a bay manda un proefversie di bo artikel aki pa bo meester
Andre Bosman. esclava di un macamba cu bo ta (un ta net anan bo ta odia)? Ja cu bo ta un
hielenlikker y lo bo hasi TUR cos pa susha nomber di Aruba y su pueblo anto riba e isla aki bo
kier bin governá? No habri bo boca sushi mes mas pasobra ta traicion y gañamento so ta sali !
Clabo ta saca Clabo
June 04, 2015
201.229.127.39
Votes: +2
