Page 32 - DESPA

E situacion ideal ta pa tur dokter di cas traha riba un solo
manera

Tuesday, 06 June 2017 20:22
Comparti

Pa loke ta e servicio medico mes, ainda tin keho di pashent of hendenan cu ta bay busca nan dokter di cas cu no tin un servicio uniforme pa
loke ta dokter di cas. AZV tin atencion pa esaki. Segun vocero di e fondo, Solange Tchong
, algun luna atras den 2017, unda cu a enfoca riba esaki cu pa motibo cu cliente ta indica cu no ta facil pa haya un afspraak. E no ta facil
pasobra ta enfrenta cu e telefon ta constantemente ocupa, of por yama solamente den un cierto cantidad di ora.

Tin por ehempel dokternan di cas, unda cu por yama for di 7’or y 45 pa 8’or y 15 di mainta pa haya un cita e mesun dia. Esaki tin ora ta bira
un reto, pasobra si nos tur como pashent bay yama, mas cu claro e liña ta wordo ocupa ta wordo ocupa pa basta rato y si no tin mas liña tin
cierto cantidad di pashent cu no por yega na bo e ora.
AZV ta conciente di esaki y AZV a trece bao di atencion di e asociacion di HAVA. Ta den combersacion cu nan. E situacion actual ta cu nan a
duna di conoce di bay cera un comision pa evalua di ki forma conhuntamente ta bay traha un otro manera. Bin tambe cu un forma uniforme.
AZV tin mas of menos 42 dokter di cas cu ta contrata cu nan y ta ripara cu cerca cada un practica e sistema di traha ta diferente.
Por bay asina leu di menciona cu tin di nan ta aplicando e sistema di triage, cu na momento cu un pashent yama e dokter di cas, e ta bay
hay’e confronta cu un serie di pregunta tocante e sintomanan of salud, cu ta hustamente pa yuda e asistente y e dokter di cas pa por
categorisa mas miho cua pashent tin cu wordo yuda y na ki momento. Con urgente cada pashent ta.

Ta diferente sistema di traha. Hasta a pensa cu e ultimo, e sistema di traha cu triage of un forma di triage, ta uno cu te cu algun aña atras, no
tabata conoci pa Aruba, of hopi di e dokternan di cas no tabata traha cu e sistema aki. Pero ta pensa cu na beneficio di cada un di e
aseguradonan di AZV berdad mester bin un mehoracion.
Pa esaki mester sigura e publico, vooral e asegurado di AZV cu ta bezig cu esaki y pronto ta spera den 2017 di ainda por bin bek y duna ki
forma e ta bay bira. Kier cu den e situacion mas ideal, lo ta un solo manera, cu ta bay wordo aplica cerca tur e dokternan di cas y ken sa, cu
kisas den futuro por hasta mehora esaki cerca e specialistanan, na unda cu ta haya aki aya e señal cu no tur ora ta facil pa haya afspraak of ta
dura.
Specialismonan

Tin algun area cu ainda tin atencion di AZV. Como AZV ta conciente cu ainda ta sigui e problematica pa loke ta e dokternan di wowo. Esaki
ta un area cu sa cu eigenlijk mester amplia, mester percura pa bin extra y esey ta bezig cun’e, pa mehora.
E deseo di AZV ta pa e aña aki wordo resolvi, pero ta depende di diferente factor. A indica den pasado cu no ta facil pa Aruba, pa atrae cierto
specialismonan. Den pasado a mira esaki por ehempel cu e area di neurologia y ginecologia, cu tambe no ta asina facil. E profesionnan aki,
of tipo di specialismonan aki bo no ta yega y pikinan con que. Esey ta hunga un rol. Si ta pa AZV, miho ayera cu awe. Mas lihe cu ta posibel,
segun Solange Tchong.